नयाँ राजनीतिक दललाई सिटौलाको सुझाव : धेरै उत्ताउलो नहुनू

काठमाडौं । नेपाली कांग्रेसका नेता कृष्णप्रसाद सिटौलाले नयाँ दलहरूलाई उत्ताउलो भएर नबोल्न सुझाव दिएका छन् ।

उनले शनिबार १११ औं बीपी जयन्तीको सन्दर्भमा शनिबार काठमाडौंमा आयोजित एक कार्य क्रमलाई सम्बोधन गर्ने क्रममा यस्तो सुझाव दिएका हुन् । उनले पुराना दलहरूको योगदानका कारण मुलुकमा परिवर्तन सम्भव भएको दावी गरे ।

रास्वपा जनमत जस्ता नयाँ दलहरूलाई जनताले विश्वास गर्नु सकारात्मक पाटो भएको भन्दै साँच्चै जनताको लागि काम गर्ने हो भने बिनाकारण अरुलाई दोषारोपण नगर्न सुझाव दिए ।

सिटौलाले जनतामा काम गर्न चाहने पार्टीहरूलाई कांग्रेसको विचारको छातामा आउन समेत आग्रह गरे ।