अमेरिका ।
अमेरिकी राष्ट्रपति डोनाल्ड ट्रम्पले युक्रेनी राष्ट्रपति भोलोदिमिर जेलेन्स्कीसँग पूर्व उपराष्ट्रपति जोन बाइडनबारे अनुसन्धान गर्न कुराकानी गरेको पुष्टि भएको छ ।
ट्रम्प प्रशासनले जेलेन्स्कीसँग ट्रम्पले जुलाई २५ तारिखमा गरेको भनिएको टेलिफोन वार्ताको पूर्ण र सम्पादन नगरिएको विवरण सार्वजनिक गर्ने वाचा गरेका थिए। तर आज वार्ताको सारांश र संपादित अंश मात्र सार्वजनिक गरिएको छ ।
कुराकानीमा राष्ट्रपति डोनाल्ड ट्रम्पले युक्रेनी नेता भोलोदिमिर जेलेन्स्कीलाई अमेरिकी राष्ट्रपति निर्वाचनमा उनका सम्भावित प्रत्याशी जो बाइडनमाथि भ्रष्टाचारको छानबिन गर्न आग्रह गरेका छन्।
त्यो विवरणमा भनिए अनुसार, बाइडनको छोरा काम गर्ने कम्पनीबारे युक्रेनी अभियोक्ताहरूले थालेको छानबिन बाइडनले रोकिदिएको ट्रम्पले छनक दिएका छन्।
ट्रम्पले जेलेन्स्कीलाई त्यस विषयमा आफ्ना निजी वकिल रुडी जुइलियानीसँग छलफल गर्न भनेका थिए। समाचारपत्रहरूमा आएका विवरण बमोजिम जुलियानीले बाइडनको मुद्दालाई लिएर युक्रेनसँगको नीति आफ्नै ढङ्गले अघि बढाइरहेका छन्।
ट्रम्पले भने राष्ट्रपतीय चुनावका वाइडन विरुद्ध अनुसन्धानको माग गरिएको विषयलाई अस्वीकार गरेका छन् । एक सुराकीले औपचारिक रूपमा उजुरी हालेको समाचार आएपछि ट्रम्प र जेलेन्स्कीबीचको यो टेलिफोन वार्ताबारे विवाद चर्किएको हो।
ट्रम्पले जुलाई २५ तारिखमा भएको भनिएको टेलिफोन वार्ताको पूर्ण र सम्पादन नगरिएको विवरण सार्वजनिक गर्ने वाचा गरेका थिए। तर ह्वाइट हाउसले बुधवार बिहान सार्वजनिक गरेको विवरणमा भने अमेरिकी अधिकारीहरूले सुनेर तयार गरिएको संवाद मात्रै समेटिएको छ।
ट्रम्पले युक्रेनलाई सैन्य सहायता स्वरूप करिब ४० करोड डलर रोक्न निर्देशन दिएको केही दिनपछि उक्त टेलिफोन कुराकानी बाहिरिएको हो ।
स्रोत : बिबिसी
प्रतिक्रिया लेख्नुहोस्:-