क्यानाडावाट अवैधरुपमा अमेरिका प्रवेश गर्नेहरुको संख्या वढ्यो

जाङबु शेर्पा, दूरबिन नेपाल
क्यानाडाबाट अमेरिका प्रवेश गर्ने क्रममा ३ महिने बालकसहितको एक व्रिटिस परिवारलाई पेन्सिभेनियास्थित सिमा सुरक्षा बलले पक्राउ गरेको छ । पक्राउ परेका व्रिटिस परिवारले भने आफूहरुले अन्जानवस सिमापार गरेको दावी गरेको छ । उनीहरुले सडकमा जंगली जनावारवाट वच्च संकेत नभएको सडक मार्फत यात्रा गर्दा झुक्किएर सिमा पार गरेको वताएको छ । तर सिमा सुरक्षा वलले भने उनीहरुले अवैधानिकरुपमा नै जानाजान सिमा पार गर्न खाजेको आरोप लगाउदै वासिङटन स्थित संघिय अध्यागमन हिरासतमा पठाएको छ । पक्राउ परेका व्रिटिस नागरिक इलिन कर्नरले भने सिमापार गर्नुलाई त्रासदीपुर्ण यात्राकोरुपमा विश्लेषण गर्दे हिरासतमा अमेरिकी अध्यागमन अधिकारीहरुले दुव्र्यवहार गरेको वताएको छ । आइसिइ अधिकारीहरुले भने उनीहरुलाई हिरासतमा लिएपनि कुनै पनि दुव्र्यवहार नगरेको वताएको छ । ब्रिटेनका नागरिकहरुले अमेरिका प्रवेश गर्न प्रवेशाज्ञाको आवश्यकता नभए पनि अमेरिकी अनलाइन भिसा सेन्टर मार्फत यात्राको जानकारी भने भर्नुपर्ने प्रावधान छ । आइसिइले उनीहरु संग व्रिटिशको राहदान वाहेका अमेरिका भ्रमण निम्ति कुनै विवरण नभएको वताएको छ । आइसिइले सन २०१८ मा मात्र क्यानाडा नाकावाट प्रवेश गर्ने ४ हजार ३ सय १६ जनालाई पक्राउ गरेको छ । यो संख्या थप वढिरहेको दावी गरिएको छ ।