दूरबिन नेपाल
अमेरिकाको ट्रम्प प्रशासनले अवैंधानिकरुपमा अमेरिका प्रवेश गरेका आप्रवासीहरुमाथी कडाइ गर्ने नीति अन्तरगत होण्डुरस र एल साल्भाडोरवाट आएका आप्रवासीलाई शरण आवेदनको निम्ति ग्वाटेमाला पठाउने तयारी थालेको छ । गत जुलाइमा नै ग्वाटेमाला सरकारसंग अमेरिकी सरकारले यस सम्बन्धि सम्झौता भएको थियो । सम्झौता अनुसार अमेरिकी सरकारले नयाँ नीति बनायो । जस अनुसार जुन देशमा पाइला टेक्यो त्यहि देशमा नै शरणार्थीको आवेदन दिएको हुनुपर्नेछ । ट्रम्प प्रशासनको सोही नीति अनुसार अधिकांश एल साल्भाडोर र होण्डुरसका नागरिकहरुले पार गर्ने पहिलो देश नै ग्वाटेमाला भएकोले उनीहरुलाई त्यसतर्फ फिर्ता पठाउन लागिएको हो । शरणको उक्त नीति सम्बन्धि अमेरिकाले ग्वाटेमाला सरकारसंग सम्झौता गरेपनि ग्वाटेमालााको संसदबाट भने पारित भइसकेको छैन । ग्वाटेमालाको सर्वोच्च अदालतले समेत अन्तरिमा आदेश जारि गर्दे सो नीति पालना गर्न संसदवाट पारित हुनुपर्ने जनाएको छ । तर अमेरिकासंग सम्झौता गरिसकेका ग्वाटेमालाका राष्ट्रपति जीमि मोरलेसले भने सम्झौता कार्यन्वयन गर्दा कुनै फरक नपर्ने बताएका छन । राष्ट्रपति मोरलेसको अन्तिम कार्यकाल आउंदो जनवरीमा समाप्त हदैछ । सम्झौताको नयाँ राष्ट्रपति(जसले सपथ लिइसकेका छैनन) अलेक्सान्द्रो गिमामाटिले भने आलोचना गरेका छन ।
यूएससिआइएसका निर्देशक केभिन म्याकलेनले यो नीतिले उत्तर र दक्षिण अमेरिकी मुलुकबाट अमेरिका प्रवेश गर्ने शरणार्थीको संख्यामा गिरावट आउने जनाएको छ । ट्रम्प प्रशासनले एक वर्षमा अवैधानिकरुपमा अमेरिका प्रवेश गर्ने दश लाखभन्दा वढि आप्रवासीहरुलाई पक्राउ गरिसकेको छ । यो संख्या अहिलेसम्म कै उच्च बताइएको छ ।
प्रतिक्रिया लेख्नुहोस्:-