जाङबु शेर्पा, दूरबिन नेपाल
अमेरिकी गृह तथा आप्रवासन मन्त्रालयले विभिन्न राज्य तथा त्यहांका अदालतलाई अवैध आप्रवासीको पक्षपोषण नगर्न चेतावनी दिएको छ । विशेष गरी ओरिगन राज्य र सो स्थानको अदालतहरुलाई लक्षित गरी सो चेतावनी दिइएको हो । अमेरिकी कार्यवाहक गृहमन्त्री चाड वुल्फ र महान्यायाधीवक्ता बिल बारले संयुत्त विज्ञप्ति जारी गर्दे केही राज्य र त्यहाका अदालतले अवैधानिक र हिंशात्मक अपराधमा संलग्न आप्रवासीहरुलाई रिहा गरेर अमेरिकी समूदायमा जोखिम बढाएको दावी गर्दै अमेरिकी सरकारको निम्ति त्यो अस्विकार्य भएको उल्लेख गरिएको छ । यसअघि ओरिगन राज्यको सर्वोच्च अदालतले एक फैसला गर्दै आइसिइ र सिमा सुरक्षाबल लगायत अध्यागमन सम्बन्धि कुनै पनि निकायले ओरिगन राज्यभित्र कसैलाईपनि पक्राउ गर्न नपाउने निषेध जारी गरेको थियो । विज्ञप्तिमा ती राज्य र मुख्य न्यायाधीशहरुलाई समेत बार र वोल्फले परिपत्र जारी गर्दे अमेरिकी जनताको निम्ति सार्वजनिक सुरक्षा सबै भन्दा बढि सरोकार र चिन्ताको विषय भएको तर विभिन्न राज्यका सेन्चुरी शहरहरुमा अध्यागमन अधिकारीहरुलाई निषेध गर्ने कानुन र नीतिले समूदायलाई उच्च जोखिममा पारेको उल्लेख गरिएको छ । पत्रमा अदालतहरुलाई अध्यागमन कानुन गलत ढंगबाट व्याख्या नगर्न समेत आग्रह गरिएको छ । ओरिगन राज्यको सर्वोच्च अदालतले आइसीइ र सीमा सुरक्षा बल (सीबीपी) लाई अदालतको वारेन्ट बिना गैरकानुनी आप्रवासीहरुलाई पक्राउ गर्न प्रतिबन्ध लगाएपछि सो परिपत्र आएको हो । यसले ट्रप्प प्रशासन अवैधानिक आप्रवासीहरुको नीतिमा झनै कठोर बन्ने संकेत गरेको छ । बार र वोल्फले विभित्र अध्यागमन संरक्षित अर्थात सेन्चुरि सिटि घोषणा गरिएका शहरका कानुन र नीतिले अपराधिक गतीविधिमा संलग्न आप्रावासीहरुलाई संरक्षण गरेको बताउदै त्यस्तो कार्यले अपराधलाई प्रोत्साहन र राज्यको खर्च बढाइरहेको बताइएको छ । यस्तो नीतिले घरेलु हिंसा, बन्दुक अपराध, लागूपदार्थको अवैध कारोबार र सुरक्षा आदेशको उल्लंघन जस्ता गम्भीर र हिंसात्मक अपराधले प्रश्रय पाइरहेको परिपत्रमा उल्लेख गरिएको छ । तर अध्यागमन अधिकारकर्मीहरुले सेन्चुरी सिटि नीतिको समर्थन गर्दे ट्रम्प सरकारले आप्रावासीहरुलाई जर्वजस्ती अपराधी बनाउन खोजेको आरोप लगाएका छन । अध्यागमन विश्लेषकहरुले भने दुई उच्च विभाग प्रमुखहरूले पठाएको पत्र सेन्चुरी शहरहरू विरूद्ध ट्रम्प प्रशासनले गरेको एउटा नविनतम अभियानकोरुपमा व्याख्या गरेका छन । आईसीईका कार्यवाहक निर्देशक म्याट अल्बेंसले समेत पत्रकार सम्मेलनकै आयोजना गर्दे सेन्चुरि शहरका नीतिहरूका कारण गम्भिर प्रकृतिका अपराधीहरु समेत एकै दिनमा रिहा गरेको दावी गरिएको छ ।
प्रतिक्रिया लेख्नुहोस्:-