काठमाडौं । तोसिमा कार्की ललितपुर क्षेत्र नम्बर ३ बाट प्रतिनिधि सभा सदस्यमा निर्वाचित भएकी छन्।
बिहीबार बिहान सार्वजनिक भएको अन्तिम मत परिणाम अनुसार तोसिमाले ३१ हजार १३६ मत प्राप्त गर्दा निकटतम प्रतिस्पर्धी नेकपा एमालेका अमृत खड्काले १२ हजार ९६३ मत पाए। ऊर्जामन्त्रीसमेत रहेकी माओवादी उपमहासचिव पम्फा भुसालले ८ हजार ७६९ मत मात्र पाइन्।
पाटन अस्पतलामा सर्जन रहेकी उनी राजनीतिलाई सुधार्ने अठोटसहित निर्वाचनमा होमिएकी थिइन् । मेडिकल काउन्सिलको सदस्य पदमा रहेको भन्दै सुरुमा निर्वाचन आयोगले उनको उम्मेदवारीलाई खारेज गरिदिएको थियो । त्ससपछि उनी आयोगको निर्णयविरुद्ध सर्वोच्च गएकी थिइन् । सवोच्चले उनको उम्मेदवारी कायमै राख्न निर्वाचन आयोगलाई निर्देशन दिएको थियो ।
प्रतिक्रिया लेख्नुहोस्:-