काठमाडौं । गत मंसिर ४ गते सम्पन्न भएको निर्वाचनको परिणाम आइनसक्दै प्रधानमन्त्री शेरबहादुर देउवा र नेकपा (माओवादी केन्द्र)का अध्यक्ष पुष्पकमल दाहाल ‘प्रचण्डबीच बालुवाटारमा शनिबार विहान भेटवार्ता भएको छ ।
छलफलका क्रममा दुई नेताबीच अहिलेकै सत्तारुढ गठबन्धनको सरकार बनाउने विषयमा छलफल भएको उनीहरु निकट नेताहरुले बताएका छन् ।
प्रचण्ड शनिबार विहान देउवालाई भेट्न बालुवाटार गएका थिए । सत्तारुढ गठबन्धनमा रहेका दलहरुबीचको सहकार्यलाई निरन्तरता दिने गरी छलफल भएको प्रधानमन्त्रीका प्रेस संयोजक गोविन्द परियारले जानकारी दिए ।
गठबन्धनका दलहरुको बैठक छिट्टै बोलाउने निर्णय पनि प्रधानमन्त्री र प्रचण्डले गरेका छन् ।
प्रतिक्रिया लेख्नुहोस्:-