काठमाडौं । स्याङ्जा क्षेत्र नम्बर–२ मा नेपाली कांग्रेसका उमेदवार धनराज गुरुङले आफ्नो अग्रता बढाउँदै लगेका छन् । उनले २९ हजार ५६६ मत पाएका छन् ।
दोस्रो स्थानमा रहेकी नेकपा (एमाले)की उमेदवार पद्माकुमारी अर्यालले २३ हजार ५९१ मत प्राप्त गरेकी छिन् भने राष्ट्रिय स्वतन्त्र पार्टीका उमेदवार टिकराज गुरुङले सात हजार ७५६ मत पाएका छन् ।
नेपाली कांग्रेसले बुथ कब्जा गरेको आरोप लगाउँदै नेकपा एमालेले पुनः निर्वाचन गर्नुपर्ने अडान राखेपछि लामो समयसम्म गणना स्थगित गरिएको थियो । निर्वाचन आयोगले पुनः मतदान नगर्ने भन्दै रोकिएको मतगणना सुचारु गर्न निर्देशन दिएको थियो ।
प्रतिक्रिया लेख्नुहोस्:-