काठमाडौं । नेकपा (माओवादी केन्द्र) का महासचिव देव गुरुङले आफ्नो दलले सरकारमा जान एमालेसँग गठबन्धन गर्नेबारे कुनै छलफल नभएको स्पष्ट पारेका छन् ।
महासचिव गुरुङले शनिबार र आइतबार बसेको केन्द्रीय पदाधिकारीहरूको अनौपचारिक बैठकबारे जानकारी दिँदै अहिले चुनावी गठबन्धनबाटै सरकार गठन गर्ने विषयमा छलफल भइरहेको बताए ।
‘हामीले गठबन्धनको विकल्पबारे अहिले सोचेका छैनौं । त्यसबारे हाम्रो बैठकमा छलफल पनि भएको छैन । अहिले हामी जुन गठबन्धनबाट यहाँसम्म आएका छौं, त्यही गठबन्धनबाट अगाडि बढ्ने हो, हामी गठबन्धनमै छलफलमा छौं,’ उनले भने, ‘हामीले अहिले अन्य गठबन्धन बनाउनेबारे सोचेका छैनौं ।’ उनले बैठकले निर्वाचनको परिणामको प्रारम्भिक समीक्षा भएको बताए ।
प्रतिक्रिया लेख्नुहोस्:-