काठमाडौं । निर्वाचन आयोगले समानुपातिकतर्फ सिट प्राप्त गरेका दलले आगामी मंसिर २४ गते अपरान्ह ४ बजेसम्म समानुपातिक सांसदको नाम पेस गर्न राजनीतिक दलहरुलाई समयसीमा दिएको छ ।
आयोगले थ्रेसहोल्ड कटाएका प्रतिनिधि सभाका ७ वटा दल र ७ वटै प्रदेशका फरक(फरक संख्यामा रहेका दलले प्राप्त गरेको सिट संख्या, समावेशी समूहअनुसारको संख्या र महिलाको संख्यासहितको पत्र दललाई पठाएको हो ।
प्रतिनिधिसभामा सातवटा दलले थ्रेस होल्ड कटाएका छन् । जसमा नेकपा (एमाले), नेपाली कांग्रेस, नेकपा (माओवादी केन्द्र), राष्ट्रिय स्वतन्त्र पार्टी, राष्ट्रिय प्रजातन्त्र पार्टी, जनता समाजवादी पार्टी र जनमत पार्टीले थ्रेसहोल्ड कटाएका छन् । प्रतिनिधि सभाको समानुपातिकबाट एमालेले ३४, कांग्रेसले ३२, माओवादीले १४, रास्वपाले १३, राप्रपाले ७, जसपा र जनमतले पनि ५–५ सिट प्राप्त गरेका छन् ।
प्रतिक्रिया लेख्नुहोस्:-