काठमाडौं । नेकपा माओवादी केन्द्रले आफ्नो पार्टीले समानुपातिकतर्फ पाएको १४ जना प्रतिनिधिसभा सदस्यको नाम टुंगो लगाएको छ।
जसमध्ये अध्यक्ष पुष्पकमल दाहाल प्रचण्डले १२ महिला र २ पुरुषको नाम छनोट गरेका छन्। माओवादीबाट सांसद चुनिनेहरुमा आदिवासी जनतातितर्फ दुर्गा राई, मीना तामाङ, उर्मिला माझी पौडेल, छिरिङ ल्यामु लामा तामाङ छन्।
खसआर्यतर्फ हितराज पाण्डे, ज्ञानु बस्नेत सुवेदी, विमला सुवेदी र नरायणी शर्मा चयन भएका छन्। थारुतर्फ रुपा सोसी चौधरी चयन भएकी छन् भने दलिततर्फ रणेन्द्र बराली र सुशीला श्रीपाली ठकुरी छानिएका छन्।
त्यस्तै, मधेशीतर्फ मीना यादव र उमरावती देवी यादव चयन हुँदा मुस्लिमतर्फ कल्पना मियाँ छनोट भएका छन्।
प्रतिक्रिया लेख्नुहोस्:-