युवराज गुरुङ
दोहा १३ डिसेम्बर/
नेपाली चर्चित टि भि रियालिटी लाइभ सो द भोइस अफ नेपालको ग्रान्ड फिनाले कतारको एसियन टाउन ग्रान्ड मल एम्पिथिएटरमा हुने भएको छ । ग्रीनग्रास ट्रेडिङ एलएलसि र याक एन्ड यति इभेन्ट म्यानेजमेन्टले भोलि अर्थात १४ डिसेम्बर शुक्रबारका दिन विशेष समारोहका वीच समापन समारोहको प्रत्यक्ष प्रसारण गर्ने गृहकार्य पुरा गरेको छ । यहि समुहले अघि यस अघि कतारमा नै भएको नेपाल आइडलको भब्य समारोह वीच समापन कार्यक्रम गरेको थियो । कतारका नेपाली व्यवसायी साथै एन आर एन ए आइ सि सि मध्यपुर्व क्षेत्रीय उप संयोजक प्रवीण गुरुङ , डिल्लिकला थपलिया र मनोज श्रेष्ठ यो समारोहका आयोजक हुन् ।
कार्यक्रम कतारको स्थानिय समय अनुसार साझ ५ बजे शुरु हुने छ । कार्यक्रम स्थलको प्रवेश द्वारा गेट भने मध्याह्न १२ बजे नै खुल्ला गरिने छ । दर्शकहरुको रुचि र मनोरन्जनलाई ध्यानमा राखेर खाजा, चियाको लागि करिव १० वटा नेपाली स्टल राखिने आयोजकले जानकारी गराएका छन् ।
करिव २२ हजार दर्शक अटाउने क्षमता रहेको उक्त कार्यक्रम स्थल नेपालीहरु कार्यरत औद्योगिक क्षेत्र सनैया नजिकै भएकाले पनि दर्शक को बाक्लो उपस्थिति रहने अनुमान गरिएको छ । उक्त स्थानमा हरेक शुक्रबार नेपालीहरुको ठुलो जमघट हुने गर्छ ।
करिव ५ लाखको हाराहारीमा कतारमा नेपालीहरु कार्यरत छ्न । नेपाली कार्यक्रमहरुमा बढी रमाउने खालका नेपालीहरु कतारमा भएकाले नै उक्त कार्यक्रम कतारमा गरिन लागेको गुरुङ बताउछन । खाडि मुलुकमा पुगेका धेरै नेपालीहरुमा नेपाली गित संगित प्रती गहिरो लगाव रहेको पाइन्छ ।
कतारमा सन्चालित नेपाली रेस्टुरेन्ट र नेपाली समुदायका संघ सस्थालाई कार्यक्रमको टिकट विक्रि गर्न जिम्मा दिईएको छ । अनलाइन मार्फत पनि टिकट खरिदका लागि सुविधा
रहेको छ । कार्यक्रम स्थलमा नै टिक खरिद गर्न चाहनेका लागि ५ वटा टिकट काउन्टर राखिने छ । मानिसहरुको ठूलो जमघट हुने यस्ता कार्यक्रम थप सतर्कता अपनाउन कतार प्रहरीको बिशेष सुरक्षा घेरा रहने छ, साथै आकस्मिक स्वास्थ्य सेवाका लागि कार्यक्रम अवधी भर कार्यक्रम स्थलमा नै एम्बुलेन्सको व्यवस्थापन हुने छ ।
उक्त कार्यक्रमका लागि फिनालेमा पुग्न सफल ४ प्रतिस्पर्धी संगै टप १६ मा पुग्न सफल अन्य कलाकारहरुको समेत प्रस्तुती रहने छ । कार्यक्रमलाई थप आकर्षक बनाउनका लागि चर्चित हास्यकलार द्वय सिताराम कटेल (धुर्मुस) कुन्जना कटेल (सुन्तली ) को प्रस्तुती समेत रहने छ ।
प्रतिक्रिया लेख्नुहोस्:-