कांग्रेस नेतृत्वको सरकारले मात्रै देशमा विकास गर्नसक्ने शेखर कोइरालाको दावी

काठमाडौं । नेपाली कांग्रेसका नेता डा शेखर कोइरालाले अहिलेको नेकपा माओवादी केन्द्र नेतृत्वको सरकार असफल भइसकेको टिप्पणी गरेका छन् । संस्थापनइतर समुहका नेता समेत रहेका कोइरालाले विराटनगर विमानस्थलमा सञ्चारकर्मीसँग कुरा गर्दै यस्तो टिप्पणी गरेका हुन् ।

जनताको समस्या समाधान गर्न वर्तमान सरकार असफल भइसकेको उनको भनाई छ । ‘ अहिलेको सरकार जतिसक्दो परिवर्तन गर्नुपर्छ र सरकारको नेतृत्व कांग्रेसले लिनुपर्छ । अहिलेको नेतृत्वबाट देशले निकास पाउँदैन । यो सरकार असफल भइसक्यो ।’

कांग्रेस नेतृत्वको सरकारले मात्रै देशलाई विकासको बाटोमा अगाडि बढाउने उनको दाबी छ ।