काठमाडौं । प्रधानमन्त्री शेरबहादुर देउवा र नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ बीच नयाँ सरकारमा गठन गर्ने सम्बन्धमा वार्ता जारी रहेको छ ।
प्रधानमन्त्री सरकारी निवास बालुवाटारमा जारी छलफलबाट एउटा निष्कर्षमा पुग्ने भनेर बसेका उनीहरूबीच छलफल भइरहेको प्रचण्डका सचिवालयले जनाएको छ ।
सरकार गठनका लागि राष्ट्रपति विद्यादेवी भण्डारीले दिएको समयसीमा सकिन २ दिनमात्रै बाँकी रहँदा पनि प्रमुख पदहरूमै सहमति जुटेको छैन । देउवा–प्रचण्ड दुवै प्रधानमन्त्रीका दाबेदार हुन् । उनीहरू दुवैले पहिलो चरणमै आफू प्रधानमन्त्री बन्नुपर्ने दाबी प्रस्तुत गरिरहेका छन् । सुरुमा आफूले प्रधानमन्त्री नपाए अहिलेको सत्ता गठबन्धन त्यागेर नेकपा एमालेसँग मिल्न सकिने कुरा उनले अनौपचारिक रुपमा बताउँदै आएका छन् ।
प्रतिक्रिया लेख्नुहोस्:-