काठमाडौं । नेपाली कांग्रेसका सभापति शेरबहादुर देउवाले ओलम्पिक कमिटीमा देखिएको विवादमा अदालतको आदेश मान्नुपर्न बताएका छन् । पूर्व प्रानमन्त्री उनले आइतबार नेपाल लोकतान्त्रिक खेलकुद संघले काठमाडौंमा आयोजना गरेको कार्यक्रममा यस्तो बताएका हुन् ।
उनले हरेक युवाहरूलाई खेल क्षेत्रमा जोड्न सके खेलको पनि विकास हुने धारणा राखे।
कार्यक्रममा संघको महाधिवेशन केन्द्रीय निर्देशन समिति संयोजक एवं कांग्रेस सांसद मोहन बहादुर बस्नेतले देशलाई चिनाउनका लागि खेलकुदको धेरै योगदान रहेपनि खेल क्षेत्रको उचित विकास हुन नसकेको बताए। उनले खेलकुदको क्षेत्रमा भएको बजेट न्यून रहेकाले यसलाई बढाउनका लागि पार्टीले पनि पहल गर्नुपर्ने धारणा राखे।
प्रतिक्रिया लेख्नुहोस्:-