पोखरा, १६ चैत / यस वर्षको ‘कृति स्मृति पत्रकारिता वृत्ति सम्मान २०७४’ प्रेस स्वतन्त्रता सेनानी पत्रकार वद्रीविनोद प्रतीकलाई प्रदान गरिएको छ ।
नेपाल पत्रकार महासंघको ६३ औँ स्थापना दिवसको अवसरमा महासंघ कास्की शाखाद्वारा प्रदान गरिँदै आएको सो पुरस्कारको राशि रु एक लाख एघार हजार १११, सम्मान पत्र र दोसल्ला रहेको छ । यसअघि सो पुरस्कारबाट पत्रकार युवराज घिमिरे सम्मानित हुनुभएको थियो ।
कार्यक्रममा ‘पोखरा पत्रकारिता सम्मान’बाट वरिष्ठ कार्टुनिष्ट दुर्गा बराल वात्स्यान सम्मानित हुनुभएको छ । सो पुरस्कारको राशि रु ३५ हजार एक सम्मानपत्र र दोसल्ला रहेको छ ।
त्यसैगरी पत्रकारिता क्षेत्रको विकासमा महत्वपूर्ण सहयोग पु¥याएबापत यस वर्षको ‘पोखरा पत्रकारिता संस्थागत सम्मान’बाट पोखरा लेखनाथ महानगरपालिका कार्यालय सम्मानित भएको छ ।
महासंघद्वारा सञ्चालित एवं स्वर्गीय जगन्नाथ सिग्देलका परिवारबाट स्थापित ‘जगन्नाथ सिग्देल स्मृति प्रोत्साहन पत्रकारिता पुरस्कार २०७३’बाट पत्रकार रुद्रबहादुर श्रीस मगर र २०७४ बाट रन्जन अधिकारी क्षेत्री पुरस्कृत हुनुभएको छ । पुरस्कारको राशि रु ११ हजार १११, सम्मानपत्र र दोसल्ला रहेको छ ।
उक्त पुरसकार प्रदेश नं. ४ का मुख्यमन्त्री पृथ्बीसुब्बा गुरुङले प्रदान गर्नुभयो ।
सो अवसरमा उहाँले प्रदेशको आर्थिक समृद्धिका लागि पत्रकारिता क्षेत्रको महत्वपूर्ण भूमिका रहने बताउनुभयो ।
सांसद् सूर्यबहादुर केसीले विविधतामा एकतावद्ध रहेको नेपाली समाजलाई जातजातिका नाममा जुधाएर इयुले द्वन्द्व निम्त्याउन खोजेको आरोप लगाउनुभयो ।
पोखरा उपमहानगरपालिकाका कार्यवाहक प्रमुख मञ्जुदेवी गुरुङले समाजमा सम्मानित, मर्यादित र चुनौतीपूर्ण रहेको पत्रकारिता क्षेत्रको विकासमा महानगरको सक्दो सहयोग रहने बताउनुभयो ।
कार्यक्रममा वरिष्ठ पत्रकार युवराज घिमिरे, पत्रकार महासंघ कास्कीका पूर्वअध्यक्षद्वय पुण्य पौडेल र रवीन्द्र बास्तोला, पुरस्कृत व्यक्तिव्वहरू कार्टुनिष्ट बराल, प्रतिक, श्रीसमगर र अधिकारी क्षेत्रीले पुरस्कार पत्रकारिता क्षेत्रको विकासमा योगदान पुगेको विचार व्यक्त गर्नुभयो ।
कार्यक्रममा पत्रकार महासंघका भौतिक पूर्वाधार विकासमा महत्वपूर्ण सहयोग पु¥याउनु हुने विभिन्न क्षेत्रका महानुभावहरूलाई सम्मान गरिएको महासंघ कास्की शाखाका अध्यक्ष दिपेन्द्र श्रेष्ठले जानकारी दिनुभयो ।रासस
प्रतिक्रिया लेख्नुहोस्:-