नेजाको अधिबेशन सियाटलमा जुलाई २१ र २२ मा

अमेरिका, ९ अप्रिल/ अप्रिल ८, २०१८ मा सल्लाहाकार सहित बसेको नेपाल अमेरिका पत्रकार संघ नेजाको कार्यसमिति बैठकले अप्रिल ३, २०१८ मा बसेको कार्यसमितिले वाशिंगटनको सियाटलमा नेजाको १२ औ साधारणसभा तथा अधिवेशन गर्न गरेको निर्णयलाई उपयुक्त रहेको निष्कर्ष निकाल्दै भव्य रुपमा सफल पार्न लाग्ने निर्णय गरेको छ । १२ औ साधारणसभा तथा अधिवेशन जुलाई २१, २०१८ शनिवार र जुलाई २२, २०१८ आइतबार हुने भएको छ ।
१२ औ साधारणसभा तथा अधिवेशन सम्पन्न गर्नको लागि पश्चिम क्षेत्रीय संयोजक ध्रुव कुँवरलाइ कन्भेनर, सह-कन्भेनर यम घिमिरे, सदस्यमा सन्दिप बाबु चौधरी, कोषाध्यक्ष शैलेश पोखरेल रहने र समितिले आबस्यकता अनुसार सम्मेलन सफल पूर्वक सम्पन्न गर्नको लागि तयारी समितिमा थप सदस्यहरू राखी कार्य गर्नसक्ने जिम्मेवारी प्रदान गरेको छ ।
नेजाको नयाँ कार्यसमिति छनौटका लागि विधानको धारा १२.१ बमोजिम सल्लाहाकार तारा बरालको संयोजकत्वमा गिरिश पोखरेल, योगेश उपाध्याय, आंग छिरिंग शेर्पा र एक सदस्य समितिले नै थप गर्ने गरि पाँच सदस्सिय निर्वाचन समिति बनाएको छ ।
नेजा अधिवेशनको समयमा प्रदान गरिँदै आएको “नेजा सामुदायिक ग्रामीण पत्रकारिता पुरस्कार” छनौटको लागि पूर्व अध्यक्ष आंग छिरिंग शेर्पाको संयोजकत्वमा पुरस्कार छनौट समिति बनाउने र संयोजकले थप सदस्य मनोनयन गरी पूर्णता दिई नेपाल पत्रकार महासंघसंग समन्वय गर्दै विजेताको नाम कार्यसमितिमा सिफारिस गर्नको लागि जिम्मेवारी दिएको छ ।
नेजा अधिवेशन तथा साधारणसभाको समयमा प्रकाशन गरिँदै आएको “प्रयास” प्रकाशनको लागि सचिव अग्नि चौलागाईलाई जिम्मेवारी दिने तथा सचिव अग्नि चौलागाइले आबस्यकता अनुसार सदस्य थप गरी कार्य गर्न दिने निर्णय गरिएको छ ।
नेजाको १२ औ साधारणसभा तथा अधिवेशनमा सहभागी भई भाग लिनको लागि मे ३१, २०१८ सम्म सदस्यता नवीकरण गरिसक्नुपर्ने तथा नयाँ सदस्यताको लागि निवेदन पेस गरिसक्नुपर्ने समय निर्धारण गरेको छ ।