लस एन्जल्समा चिन्तामणि योगीको साथमा समर क्याम्पको आयोजना हुँदै

अमेरिका, १५ जुलाई/ श्री पशुपतिनाथ तथा बुद्द मन्दिरले नर्वाल्कमा आगामी जुलाई २१ देखि २३ तारिख सम्म समर क्याम्पको आयोजना गर्न लागेको छ । आफ्ना नानीहरुलाई सत्य, माया, शान्ति, निस्वार्थ सेवा र अहिंसाको बारेमा जान्ने अवसर प्रदान गर्नको लागि समर क्याम्प उपयुक्त हुनेबताइएको छ ।
निशुल्क समर क्याम्पको संचालन धार्मिक गुरु डा. चिन्तामणि योगीले गर्ने योजना रहेको सचिव रामेश्वोर भण्डारीले बताए । डा. योगीले टेक्सासको डल्लासमा नानीहरुलाई समर क्याम्पको संचालन गरिसकेका छन् । सिमित सिटसंख्या भएको हुँदा पहिले आउनेलाई प्राथमिकता दिने योजना संस्थाको रहेको छ । क्याम्पमा स्वय सेवा गर्न इच्छुक हाइस्कुलका विधार्थीलाइ सम्पर्क गर्न समेत अनुरोध गरिएको छ । स्वय सेवा गर्ने विद्यार्थीलाइ प्रमाण पत्र वितरण गरिने योजना रहेको सचिव भण्डारीले जानकारी दिए ।