कोलोराडोमा श्रष्टा सम्मान तथा पुस्तक बिमोचन कार्यक्रम हुँदै

कोलोराडो, अमेरीका, सेप्टेम्बर २२, २०१८ / अन्तराष्ट्रिय नेपाली साहित्य समाज कोलोराडो च्याप्टरको आयोजनामा आगामी सनिबार दुई श्रष्टा सम्मान तथा पुस्तक बिमोचन कार्यक्रम हुने भएको छ ।
श्रष्टा सम्मान तथा नियमित कवी गोष्ठी कार्यक्रम अन्तर्रगत चर्चित हास्य ब्याब्ग्य कवी एबं बरिष्ठ साहित्यकार नवराज कार्की र महिला साहित्यकार तथा कवयत्री मीना सुवेदी भण्डारीलाई सेप्टेम्बर २९ तारिकका दिन कोलोराडाको नर्थग्यालेन स्थित क्रसरोड चर्चमा सम्मानगर्न लागिएको हो ।

सिलसिला, मनभित्रको आ“धी, एक दनक जस्ता चर्चित कृतीहरु मार्फत चर्चा कमाएका नवराज कार्की हास्य ब्याब्ग्यकार, साझा प्रकाशनका पूर्व महाप्रवन्धक तथा प्राध्यापक पनि हुन् । त्यसैगरी महिला साहित्यकार तथा कवयत्री मीना सुबेदी भण्डारीको कविता संग्रह “आस्थाको चौतारी”को बिमोचन कार्यक्रम रहेको अन्तराष्ट्रिय नेपाली साहित्य समाज कोलोराडो च्याप्टरका महासचिव श्याम श्रेष्ठले बताएका छन् ।
सम्मान समारोहमा साहित्यकार द्धयको कविता बाचन तथा स्थानीय स्रजकहरुको सृजना प्रस्तुतगर्ने कार्यक्रम रहेको अन्तराष्ट्रिय नेपाली साहित्य समाज कोलोराडो च्याप्टरका अध्यक्ष कृष्णमुरारी ढुंगेलले बताएका छन् । यस विशेष अवसरमा आना लेख, रचना लिएर सुन्न र सुनाउन उपस्थितीको लागी सबै संघ संस्थाका पदाधिकारी, बुद्धिजिवी, गन्यमान्य, कवि, कवयत्री, गायक, कलाकार, व्यवसायी, बाल बालीका तथा सर्वसाधरणलाई ढुंगेलले अनुरोध गरेका छन् ।
मानिस जहां जसरी रहेपनि नेपाल र नेपालीको भाषा संस्कृती जोगाई राख्नु पर्दछ भन्ने उद्धेश्य लिई “भाषा चाहिन्छ भेष चाहिन्छ सिर उठाई बाच्न आफ्नो देश चाहिन्छ” भन्ने मुल मन्त्रका साथ विश्वको ७३ भन्दाबढी देशमा शाखा र सयौं च्याप्टरमा फैलिएको अन्तराष्ट्रिय नेपाली साहित्य समाज अन्तर्गत कोलोराडो च्याप्टरको आयोजनामा श्रष्टा सम्मान तथा कवि गोष्ठी कार्यक्रम हदै आएको छ ।