काठमाण्डौं, नोभेम्वर ३०/ नेपाल आइडल सिजन २ को ३२ औं इपिसोडबाट निकै रुचाइएका र ‘रक स्टार’कै नाम कमाइसकेका ‘भर्साटाइल सिंगर’ पवन गिरी बाहिरिएका छन्। दर्शकको भोट र जजको मूल्याँकनका आधारमा आज पवन गिरी बाहिरिंदा नेपाल आइडलको मन्चमा एउटा सन्नाटा छाएको थियो।
छ जना उत्कृष्ट प्रतिस्पर्धीहरुबाट पवन बाहिरिंदै गर्दा मुख्य जज न्ह्यूं बज्राचार्य सहित इन्दिरा जोशी र कालिप्रसाद बास्कोटाको भावुकता आँशुसंगै छचल्किएका थिए। “जो बाहिरिए पनि उत्कृष्ट मध्येबाटै बाहिरिने हो, बाहिरिंदा पनि सेलिब्रेट गरेर नै जानुपर्छ”, न्ह्युं बज्राचार्यले केहीबेर अघि मात्र दोहर्याएका थिए र पनि उनी आफैंले पवनको बहिर्गमनमा आँशु रोक्न सकेनन्। उनी बाहिरिंदा उनका बाँकी पाँच प्रतिस्पर्धी साथीहरुको मन पनि थामिएका थिएनन्। सुमित पाठक, अस्मिता अधिकारी, बिक्रम बराल, अमित बराल र रवि ओदका रसाएका आँखाहरुले कोही प्रतिस्पर्धी बाहिरिएको होइन कि आफ्नै परिवारको सबभन्दा नजिकैको व्यक्ति कतै टाढा जान लागेजस्तो प्रतिक्रिया देखिन्थ्यो।
पवनको बिदाईमा एकंरद्वय रिमा र आशिफ समेत उत्तिकै दुखित देखिन्थे। प्राय सबै प्रस्तुतिहरुमा नहाँसी प्रस्तुत हुने पवन गिरी आज ‘शो’मा निम्त्याइएकी नायिका नम्रता श्रेष्ठसंग स्टेजमा नाच्दा भने मुस्कुराएका थिए। पवन गिरीले आज माहोल यस्तो बनाएकी “उनी जितेर गए या हारेर गए तर नतिजा आफैं तिर पारेर गए” भन्ने स्थिति बन्यो।
प्रतिक्रिया लेख्नुहोस्:-