हास्य – व्यङ्ग्य कविता प्रतियोगिता हुँदै

अमेरिका ।

उत्तर अमेरिकी प्रथम हास्य – व्यङ्ग्य कविता प्रतियोगिता महोत्सव यही आउँदो जुलाईको ५,६ र ७ मा हुने भएको छ । अमेरिकी राष्ट्रिय सम्मेलनमा विभिन्न आकर्षक कार्यक्रमहरू मध्ये अन्तर्राष्ट्रिय साहित्य समाजसँगको समन्वयमा नेपाली साहित्य अन्तर्गत हास्यव्यङ्ग्य कविता प्रतियोगिता हुने भएको संयोजक डाक्टर दुर्गा दाहालले सार्वजनिक गर्नु भएको छ । कार्यक्रमको विवरण सहितको विज्ञप्ति तल राखिएको छ ।

प्रिय साहित्यप्रेमी महानुभावहरू,

 उत्तर-अमेरिकी प्रथम हास्य-व्यंग्य कविता प्रतियोगिता महोत्सव यहि आउदो जुलाईको ५,६ र ७ मा हुने अमेरिकी रास्ट्रिय सम्मेलनमा विभिन्न आकर्षक कार्यक्रमहरु मध्ये अन्तराष्ट्रिय साहित्य समाज सँगको समन्वयमा नेपाली साहित्य अन्तर्गत “हास्य-व्यंग कविता प्रतियोगिता” हुन गैरहेको सहर्ष जानकारी गराउन चाहन्छु। उक्त कार्यक्रममा उत्कृस्ट कविहरुलाई नगद पुरुस्कारको साथै सम्मान-पत्र पनि प्रदान गरिने छ।

प्रतियोगितामा सहभागी हुन निम्न शर्तहरू लागु हुनेछन:

१: कविता नेपाली भाषामा लेखिएको हुनु पर्नेछ,

२: उत्तर अमेरिकामा स्थाई बसोबास गरेका नेपाली मुलका व्यक्तिहरुले मात्रै प्रतियोगितामा भाग लिन पाउने छन,

३: कविता अप्रकाशित हुनु पर्नेछ,

४: उत्कृष्ट ३ कवितालाई पुरष्कृत गरिनेछ,

५: पुरस्कारको राशि क्रमश: $३००, $२५० र $२०० नगद तथा प्रमाणपत्र रहनेछ,

६: कविता मे ३१ सम्म मा निम्न ठेगाना मा आईपुग्नु पर्नेछ,

७: उत्कृस्ट कवितालाई मूल कार्यक्रममा वाचन गर्न दिईनेछ,

८: पुरष्कार सम्बन्धी अन्तिम निर्णय निर्णायक मण्डलको हुनेछ,

९: राष्ट्रीयता, धार्मिक, जातीय तथा अन्य कुनै सामाजिक सहिष्णुता भडकाउने कवितालाई कार्यक्रममा सहभागी गरिने छैन,

१०: कार्यक्रम सम्बन्धी अन्य बिष्तृत जानकारी पत्र-पत्रिका मार्फत पनि सार्वजनिक गरिनेछ।

* अझ विस्तृत जानकारीका लागि:

कार्यक्रम संयोजक डा. दुर्गा दाहाल Director for publications & communications, ANA BOT advisor, INLS Phone: (408) 718 3278 Email: [email protected]