दूरबिन नेपाल ।
अमेरिका ।
अमेरिकाको मिजौरीमा भएको सडक दुर्घटनामा तीन जना नेपालीको मृत्यु भएको छ । दक्षिणी मिजौरीको जोपलिन प्रहरीले दिएको जानकारी अनुसार मृत्यु हुनेमा श्रद्धा खनाल ओझा, उनका बुवा गोविन्द खनाल र आमा शान्ता खनाल रहेको जोप्लिन प्रहरीले जनाएको छ । श्रद्धा र शान्ताको अस्पतालमा मृत्यु भएको थियो भने गोविन्दको घटनास्थलमै ज्यान गएको जोपलिन प्रहरीलाई उद्धृत गर्दै मिजौरीको स्थानीय समाचार द जोप्लिन ग्लोबले जनाएको छ । जोप्लिन प्रहरी विभागका क्याप्टेन निक जिमेनेजले दिएको जानकारी अनुसार प्रकाश ओझाले चलाएको टोयोटा कारलाई टोयोटा पिकअप ट्रकले पछाडिबाट ठक्कर दिएको थियो ।
घाइते कार चालक ओझा र उनका छोरालाई अस्पताल लगिएको छ भने घाइते बच्चाको अवस्था गम्भिर बताइएको छ । चालक ओझाको अवस्थापनि स्थिर बताइएको छ । दुर्घटना मिजौरी हाइवेको इन्टरस्टेट ४४ इष्टमा मंगलबार दिउसो भएको थियो ।
कारलाई ठक्कर दिने ड्राइभरको नाम सार्वजनिक गरिएको छैन भने प्रहरीले दुर्घटनाको अनुसन्धान गरिरहेको छ ।
अमेरिकामा सडक दुर्घटनामा ज्यान गुमाउने नेपालीहरुको संख्या बढ्दो छ । दुई बर्ष यता सार्वजनिक भएका सडक दुर्घटनाहरुमा ११ जना नेपालीले ज्यान गुमाएका छन् ।
तस्विरः तस्विरः जोप्लिन प्रहरी र श्रद्धा खनाल ओझाको फेसबुक
प्रतिक्रिया लेख्नुहोस्:-