काठमांडौं ।
निश्चल बस्नेत र सिमोस सुनुवारले नयाँ फिल्मको लागि सहकार्य गर्ने भएका छन् । तिहार लगत्तै छायांकन सुरु हुने निश्चलको होमप्रोडक्सन फिल्म ‘दिमाग खराब’ लाई सिमोसले निर्देशन गर्नेछन् ।
बस्नेतको ब्यानर ब्ल्याक हर्स पिक्चर्स र सिमोसको आलु प्रोडक्सनले मिलेर फिल्म बनाउन लागेका हुन् । लिड रोलमा स्वयम निश्चल हुनेछन् भने लिड फिमेलमा स्वस्तिमा खड्का ।
दीपकराज गिरीसँग मिलेर ‘छन् गेडी सबै मेरी’ निर्देशन गर्ने चर्चाका बीच सिमोसले निर्देशन गर्ने नयाँ फिल्म घोषणा भएको छ । निश्चलको फिल्मको पटकथा चाहिँ हरि फिल्मका निर्देशक सफल केसीले लेखिरहेका छन् ।
निर्देशक सुनुवारले दुबै फिल्मको छायांकन यसैवर्ष हुने जानकारी दिए । ‘घामड शेरे र छन् गेडी सबै मेरी छायांकन एकबर्ष भित्र पुरा हुन्छ’ उनले भने । तर, स्क्रिप्टमा चित्त नबुझेको भन्दै निर्माता दीपकराज गिरीले केही मिडियामा बताएपछि ‘छन् गेडी सबै मेरी’को छायांकन टुंगो छैन ।
प्रतिक्रिया लेख्नुहोस्:-