दूरबिन नेपाल, अमेरिका
चीनीया फौजसंगको तनावमा २० भारतीय सैनिक मारिएको भारतीय सञ्चार माध्यमहरुले जनाएका छन । भारतीय समय अनुसार मंगलबार विहान भारत र चीनको सिमावर्ती क्षेत्र लद्धाखमा भएको झडपमा भारतीय सेनाको मृत्यु भएको समाचारमा जनाइएको छ । ४५ बर्षमा मा भारत र चीनविचको विवादमा यतिधेरै हताहती भएको पहिलो पटक हो । भातीय सेनाको दावी अनुसार चीनीया सेना तर्फपनि हताहती भएको छ । तर त्यसको आधिकारीक पुष्टि हुन सकेको छैन । शुरुमा भारतीय सेनाले दोहोेरो फायरीङमा आफ्ना तीन जवान सहिद भएको जनाएको थियो । तर पछि घाइते सैनिकको पनि मृत्यु भएकोले अहिलेसम्म २० जनाको ज्यान गएको जनाइएको छ । भारतीय विदेश मन्त्रालयले चीनीया पक्षले सहमति विपरित विवादित भुमिमा प्रवेश गरेको आरोप लगाएको छ । निकै लामो समयदेखि चीन र भारतविच विवादीत भुमि रहंदै आएको लद्धाखमा पछिल्लो समय तवान निकै बढेको थियो । लद्धाख पाकिस्तान र भारतविचको विवादीत भुमि कश्मिरसंगै जोडिएको क्षेत्र हो । चीनीया पक्षले भारतीय पक्षले सिमा रेखा पार गरेको आरोप लगाएपनि आफ्नो तर्फको हताहतीबारे केही भनेको छैन । चीनीया विदेश मन्त्रालयका प्रवक्ता जाओ लिजानले भारतले सिमा पार गरी चीन नियन्त्रीत क्षेत्रमा प्रवेश गरेको र चीनिया पक्षलाई उक्साएको र आक्रमण गरेको आरोप लगाएका छन । तर चीनिया पक्षले आफ्नो तर्फपनि केही हताहती भएको संकेत गरेपनि के कति क्षति भएको छ भन्नेबारे खुलाएको छैन ।
चीनीया पक्षले भारतीय सैनिकले विवादित सिमा पार गरी आफ्नो क्षेत्रमा प्रवेश गरी चीनिया सेनालाई आक्रमणको लागि उक्साएको बताएको छ भने भारतीय पक्षले चीनीया सेनाले आक्रमण गरेको आरोप लगाएको छ । दुई देश विचमा सो क्षेत्रमा लामो समयदेखि सिमा विवाद रहंदै आएको छ । अहिले भारतीय पक्षक २० सैनिको मृत्यु भएपछि चीनीया पक्षले संयमता अपनाउन आग्रह गरिरहेको छ भने भारतीय सेनापनि तत्कालै युद्धकै मुडमा नरहेको उनीहरुको बत्तव्यले देखाउछ । यद्यपि आणविक शक्ति सम्पन्न मुलुकको तनावले कतै युद्ध नै पो हुने हो की भन्ने त्रास पनि बढेको छ ।
प्रतिक्रिया लेख्नुहोस्:-