१५ दिनमा ५ अर्ब १९ करोड घाटा हुने स्थिति आएको आयल निगमद्वारा जानकारी

काठमाडौं । नेपाल आयल निगमलाई भारतीय आयल कर्पोरेशनले आइतबार पठाएको नयाँ मूल्यसूची अनुसार पेट्रोलमा २३.०२ रुपैयाँ घाटा रहेको जनाएको छ। निगमले आगामी १५ दिनमा ५ अर्ब १९ करोड घाटा हुने आँकलन गरेको छ।

निगमले यसबारेमा जानकारी दिन आइतबार विज्ञप्ति जारी गर्दै निगमले नयाँ मूल्य सूचीअनुसार डिजेलमा ४०.१३ रुपैयाँ तथा एलपी ग्यासमा १,०५०.१८ रुपैयाँ घाटा रहेको जनाएको हो। तर मट्टितेलमा २.८१ रुपैयाँ तथा हवाई इन्धन (बाह्यतर्फ) ६४.६९ तथा हवाई इन्धन (आन्तरिकतर्फ) १२.६४ रुपैयाँ नाफा रहेको निगमले जनाएको छ।