स्यान्ताक्लारा ।
नेपाली युवा व्यावसायी हरि ओझा र नवराज तिवारीको लगानीमा सिलिकोन भ्यालीको स्यान्ताक्लारामा रहेको ‘मो:मो: हव अ टेष्ट अफ नेपाल’ आगामी आइतवारवाट संचालनमा आउने भएको छ । विश्वव्यापी रुपमा लोकप्रिय बन्दै गएको नेपाली मो:मो:लाई थप ब्राडिंग गरि सिलीकोन भ्यालीमा लाोकप्रिय बनाउने उदेश्यका साथ विभिन्न परिकारका स्वादिष्ट मोमो उपभोक्ता समक्ष ल्याउने संचालक नवराज तिवारीले जानकारी दिए ।
तिवारीका अनुसार क्यालिफोर्नियाका लागि नेपालका अवैतानिक महावाणिज्यदूत रिषी ढकालले नोभेम्वर २० तारेखको दिन १६८६ लाफिएट मा रहेको सो नेपाली मो मो रेष्टुरेण्टको औपचारिक उद्घाटन गर्नेछन् ।
स्यान्ताक्लाराकी मेयर लिसा गिलमोरले पनि नेपाली मो मो रेष्टुरेण्टको उद्घाटन कार्यक्रममा सहभागी हुनेछिन ।यसैगरि एनआरएन वेष्ट रिजनका आरसीसी श्रीराम थापा, एनआरएन क्यालिफोर्नियाका अध्यक्ष एकदेव शर्मा लगायतका एनआरएनका अभियन्ताहरुको पनि उपस्थिति रहने संचालक तिवारीले बताए ।
अन्य नेपाली रेष्टुटेण्टमा पनि मो मो पाइने भएतापनि मोमोलाई मात्र फोकस गरि रेष्टुरेण्ट संचालनमा गर्न लागिएको संचालक हरि ओझाले बताए । रेष्टुरेण्टले स्टिम चिकेन मो:मो, भोज मो:मो, झोल चिकेन मोमो अलावा अन्य रेष्टुरेण्टमा नपाइने मटन मो:मो पनि विक्रि गर्ने संचालक ओझाले उल्लेख गरेका छन् ।
प्रतिक्रिया लेख्नुहोस्:-