जनवरी २३
स्यानफ्र्यान्सिस्को ।
स्यानफ्रान्सिस्को । अमेरिकाको क्यालिफोर्नियास्थित स्यानफ्र्यान्सिस्को नजिकै हाफ मून बे मा सोमवार अपरान्ह एक जनाले अन्धाधुन्ध गोली चलाउदा ७ जनाको ज्यान गएको छ । गोली चलाउने हाफमून बे निवासी ६७ वर्षको चुन्ली चाओलाई प्रहरीले नियन्त्रणमा लिएको छ ।स्यानफ्रान्सिस्को र हाफमून बे जोड्ने हाइवे ९२ को आसपार दुई फरक स्थानमा गोली हानिएको थियो
मारिनेहरु प्रपर्टिमा काम गर्ने चिनिया कामदारहरु भएको बताइएको छ । ती आक्रमणकारी एक्लैले स्वचालित हतियार प्रयोग गरी ७ जनाको ज्यान लिएको स्यान माटियो काउन्टीको सेरिफ कार्यालयले जनाएको छ । काम गरिरहेका मानिसहरुको हत्या गरिपछि हत्यारा प्रहरी कार्यालयको पार्किगमा भेटिएको थिए । ती आक्रमणकारीले किन र के का ती मानिसहरुको हत्या गरेको थियो भन्ने वारेमा अनुसन्धान शुरु भएको रहेको प्रहरीलाई उधृत गर्दै एनविसी न्यूजले जनाएको छ ।
गत शनिवार भएको एक आम नरसंहारको ७२ घण्टा नपुग्दै अर्काे नरसंहार भएको यहाँका संचार माध्यमहरुले उल्लेख गरेका छन् । दुई घटनामा ज्यान गुमाउनेको संख्या १९ पुगेको छ ।
गत शनिवार राती एक आक्रमणकारीले लस एन्जलस नजिकै मोन्टरे पार्कमा अन्धाधुन्ध गोली चलाउदा १० जनाको मृत्यु भएको थियो । लुनार नयाँ वर्षको उल्लासका लागि मोन्टेरीमा हजारौं मानिसहरू भेला भइरहँदा गोली प्रहार भएको थियो । गोली प्रहारबाट थुप्रै मानिस घाइते भएका थिए । क्यालिफोर्नियाका गभर्नर ग्याभिन न्यूसमले यस खालको आम नरसंहारवाट आफू दुखी भएको बताउदै यसलाई ट्रेजेजी माथीको ट्रेजेडी भनेका छन् ।
अमेरिकामा हुने गरेको यसखाले आम नरसंहारवाट बर्षेनी हज्जार्रौ निर्दोष नागरिकहरुले ज्यान गुमाउने गरेका छन् । घातक हतियार नियन्त्रण सम्वन्धमा बेला बेलामा अमेरिकी सदनमा बहस हुने गरेतानि नियन्त्रण भने हुन सकेको छैन ।
प्रतिक्रिया लेख्नुहोस्:-