अमेरिका । गैर आवासीय नेपाली सङ्घ अमेरिकामा चुनावी सरगर्मी बढेको छ । एनआरएनए अमेरिकाका उपाध्यक्ष डिलु पराजुली र गत निर्वाचनमा अध्यक्षमा पराजित अर्जुन बन्जाडेले यस पटक अध्यक्षमा उम्मेदवारी घोषणा गरेर चुनावी अभियान सुरु गरिसकेका छन् । एनआरएनए अमेरिकाका उपाध्यक्ष सुमन थापाले अध्यक्षमा उम्मेदवारी दिने सार्वजनिक गरे पनि चुनावी सभा भने गरेका छैनन् । पराजुली र बन्जाडे प्रतिस्पर्धामा अगाडि बढेकाछन् । दुवै अध्यक्षका उम्मेदवारले आफूसँग नजिक रहेर चुनावी अभियानमा जान वरिष्ठ उपाध्यक्ष, महासचिव देखि बोर्ड सदस्य सम्मको सूची लगभग तयार गरिसकेको देखिन्छ ।
पञ्जीकृत सदस्यहरू बिचमा घुलमिल, राम्रो प्रभाव र पहुँच बनाएका डिलु पराजुलीसँग वरिष्ठ उपाध्यक्षमा अञ्जन कुमार चौलागाई, चार जना खुला उपाध्यक्षमा भानु खरेल, राज ढुङ्गाना, सन्तोष पहारी र राजीव श्रेष्ठ रहेका छन् । त्यस्तै महिला र युवा उपाध्यक्षमा सुन्दरी गुरुङ र अनुप खनाल छन् । त्यस्तै महासचिवमा रामहरि अधिकारी, सचिवमा एकदेव शर्मा, कोषाध्यक्षमा सरोज सिग्देल, सह कोषाध्यक्षमा रविसिंह बस्नेत, महिला संयोजकमा मुना तिवारी, युवा संयोजकमा बिकी थापा रहेका छन् । अध्यक्षका प्रत्याशी डिलु पराजुलीसँग सहकार्य गर्ने ३ जना महिला सदस्य र खुला तर्फ ६ जना बोर्ड सदस्यको नाम टुङ्गो लगाई सकेको छ । अमेरिकाबाट प्रतिनिधित्व गर्ने ८ जना आइसीसी सदस्यहरू मध्ये ५ जनाको नाम टुङ्गो लागि सकेको छ ।
अध्यक्षका प्रत्याशी डिलु पराजुलीले केन्टकी, विसकनसिन, नर्थ क्यारोलाइना,भर्जिनिया र पेन्सलभेनियामा आफ्नो चुनावी सभा गरिसकेको छ । चुनावी दैडाहमा पराजुली र सहकार्य गर्ने पदाधिकारी र सदस्यहरूको समूह अगाडि देखिएको छ । चुनावी कार्यक्रम मात्र होइन सदस्यता विस्तार अभियना देखि नै पराजुलीले पञ्जीकृत सदस्य र समाजका प्रभावशाली व्यक्तिहरू बिचमा राम्रो पकड बनाएका छन् । सदस्यता विस्तार अभियानको समयमा अध्यक्षका अरू प्रत्यासीहरुले खासै मेहनेत नगरेका कारण डिलु पराजुलीको पकड राम्रो देखिएको छ । पराजुलीसँगै सहकार्य गर्ने पदाधिकारी र सदस्यहरू चुनावी सभामा पुगेका छन् । पराजुलीले अमेरिकामा रहेका नेपालीहरूको विवरण सङ्कलन गरी प्रभावकारी कार्यक्रम अगाडि बढाउने घोषणा गरेका छन् । दोहोरो कर प्रणालीको अन्तका लागि नेपाल र अमेरिकी सरकार बिचमा संवाद गराउने, नेपाली नागरिकताको निरन्तरताको पहल जारी राख्दै र गैर आवासीय नेपाली नागरिकताको अव बन्ने नियमावलीमा अधिकतम अधिकार दिलाउन पहल गर्ने लगायतका मुद्दा अगाडि सारेका छन् ।
प्रतिक्रिया लेख्नुहोस्:-