अष्ट्रेलिया, १३ जुन। जय नेपाल इन्टरनेशनल फाउनडेशनले “ओपन एजुकेसन कनेक्टिङ लोकल टु ग्लोबल” वेबिनार आयोजना गर्न लागेको छ। कार्यक्रममा
“खुला शिक्षा: कोभिड-१९ पछिका अवसरहरू” शीर्षकमा युनिभर्सिटी अफ कुइन्सल्याण्डका डा. देवराज पौड्यालले आफ्नो पेपर प्रस्तुत गर्दै हुनुहुन्छ भने “उच्च शिक्षा परिदृश्यलाई आकार दिन खुला शिक्षामा पहल र आविष्कारहरू: नेपालमा प्रवृत्ति र चुनौतीहरू” विषयमा नेपाल खुला विश्वविद्यालयको उपकुलपति प्रा शिलु मानन्धर बज्राचार्यले गर्न लागेको जय नेपाल इन्टरनेशनल फाउनडेशन अष्ट्रेलिया च्याप्टरका अध्यक्ष डा डिल्ली बन्जाडेले बताए।
प्यानलिस्टहरुमा त्रिभुवन विश्वविद्यालय रजिस्ट्रार डा केदार रिजाल, नेपाल विज्ञान तथा प्रविधि प्रज्ञा प्रतिष्ठानका पूर्व भाइस चान्सलर प्राध्यापक जीवराज पोखरेल, पिएचडी, डा हिमलाल घिमिरे र डा प्रमोद ढकाल रहेका छन्।
कार्यक्रमलाई डा. राजु अधिकारीले संचालन गर्नेछन् भने जय नेपाल फाउनडेशन नेपालका अध्यक्ष बद्री अर्यालले नेपालमा समन्वय गर्नेछन्। विश्वव्यापी रुपमा खुल्ला बिश्वबिद्यालयको अवधारणा बढ्दै गएको परिप्रक्षमा नेपालले यसबाट कसरी फाइदा लिन सक्छ भन्ने उद्देश्यले कार्यक्रमको आयोजना गर्न लागिएको संस्थाका अध्यक्ष डा. यादव पण्डितले बताए।
कार्यक्रमको नेपाली समय
कार्यक्रम मिति: जुन २९, २०२४ (शनिवार )
समय र अवधि: बिहान ८:०० देखि १०:०० बजे (नेपाली समय)
कार्यक्रमको अमेरिकी समय
कार्यक्रम मिति: जुन २८, २०२४ (शुक्रवार )
समय र अवधि: साँझ १०:१५ देखि १२:१५ बजे (न्युयोर्क समय)
समय र अवधि: साँझ ०७:१५ देखि ०९:१५ बजे (क्यालिफोर्निया समय)
कार्यक्रममा जोडिनको लागि जुम लिंक
जुम आईडी: – 94536469651
पासवर्ड:- २०२४
प्रतिक्रिया लेख्नुहोस्:-