काठमाडौं । प्रमुख प्रतिपक्षी दल नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ र नेकपा एकीकृत समाजवादीका अध्यक्ष माधवकुमार नेपालबीच भेटवार्ता भएको छ ।
उनीहरुबीच आज दिउँसो सिंहदरबारस्थित माओवादी केन्द्रको संसदीय दलको कार्यालयमा भेटवार्ता भएको हो ।
भेटमा संयुक्त समाजवादी मोर्चा लगायतका विषयमा छलफल भएको एक नेताले बताए । साथै, पछिल्लो राजनीतिक घटनाक्रम लगाएतका विषयमा पनि छलफल भएको बुझिएको छ ।
भेटमा माओवादीका उपमहासचिव वर्षमान पुन, एकीकृत समाजवादीका वरिष्ठ नेता बेदुराम भुसाललगायतका नेताहरु पनि सहभागी थिए ।
प्रतिक्रिया लेख्नुहोस्:-