अमेरिका । नर्थ बे आसपासमा बसोबास गर्ने नेपालीहरुको संस्था युनाइटेड नेपालिज अफ क्यालिफोर्निया (UNC) ले देउसी भैलो कार्यक्रम भव्य रुपमा सम्पन्न गरेको छ ।
नेपाली समुदायलाई एकीकृत गर्दै नेपाली मौलिक संस्कृति र परम्पराको संरक्षण गर्ने उदेश्य बोकेको यस संस्थाले मुख्यगरी शान्ता रोजा, रोनर पार्क, पेटलोमा, नोबाडो लगायतका स्थानमा खेलेको देउसी भैलोबाट करिब दश हजार डलर संकलन गरेको हो ।
संस्थाले देउसी भैलो कार्यक्रमका लागि इभेन्ट कोअर्डिनेटर जोनी भट्ट, भक्त तिम्सिना, विष्णु वाग्ले, हरि घिमिरे, चिरञ्जिवी नेपाल, श्री लामिछाने, रक्ष बुढाथोकी, अरुण न्यौपाने,समीर कार्कीले मुख्य भूमिका खेलेको भन्दै धन्यवाद समेत ब्यक्त गरेको छ ।
यस्तै देउसी भैलो कार्यक्रममा Ek Haun Entertainment/ Awaj Band का रिना जोशी प्रज्वल प्रधान, रमेश मल्ल,आशिक पाण्डे, हेमन्त पराजुलि विष्णु लक्ष्मी वाग्ले, छविर येशू भट्टराई, मुना गौतमर किशोर रिमाल, सञ्जय बराल र नबिना कोइरालालाई धन्यवाद ब्यक्त गरेको छ । कार्यक्रम संस्थाका अध्यक्ष दीपक तिम्सिनाको संयोजकत्वमा भएको थियो ।
प्रतिक्रिया लेख्नुहोस्:-