काठमाडौँ, २ चैत / नेकपाको भ्रातृ संगठन अनेरास्ववियु (क्रान्तिकारी)का अध्यक्षमा चिरञ्जीवी ढकाल निर्वाचित हुनुभएको छ ।
दाङमा गत फागुन २७ देखि ३० सम्म सम्पन्न क्रान्तिकारीको २१औँ राष्ट्रिय महाधिवेशनबाट ढकालको नेतृत्वमा ५९ सदस्यीय कमिटी दुईवर्षे कार्यकालका लागि निर्वाचित गरिएको क्रान्तिकारीका निवर्तमान उपाध्यक्ष लालबहादुर तामाङले जानकारी दिनुभयो ।
उपाध्यक्ष, महासचिव, सचिव र कोषाध्यक्ष भने यही चैत ८ र ९ गते हुने केन्द्रीय कमिटीको बैठकले चयन गर्ने बताइएको छ । क्रान्तिकारीले सो महाधिवेशनबाट ३० वर्षे उमेर हदबन्दीसमेत लगाएको छ । महाधिवेशनमा ५०० प्रतिनिधि र २०० पर्यवेक्षकको सहभागिता थियो ।रासस
प्रतिक्रिया लेख्नुहोस्:-