सरकारले संसद् छल्न खोजेको माओवादीको आरोप

काठमाडौं । नेकपा माओवादी केन्द्रले सरकार संसदलाई छल्न लागिपरेको आरोप लगाएका छन् । माओवादीको आज केन्द्रीय कार्यालय पेरिसडाँडामा बसेको स्थायी समिति बैठकले यस्तो आरोप लगाएको हो ।

बैठकको निर्णयबारे प्रवक्ता अग्निप्रसाद सापकोटा भने, संसद् अधिवेशन बोलाउन धेरै नै ढिला भएको छ । म सभामुख हुँदा समयमै अधिवेशन बोलाउने गरेको थिएँ । अहिले पुस १९ गते भइसक्यो सर्वथा बेठिक कुरा भइराखेको छ’, उनले भने, ‘सरकारको नियत राम्रो देखिएको छैन । सदन छलेर अध्यादेश ल्याउने बाटोमा सरकार गइरहेको छ । त्यो अध्यादेश पनि पार्टीहरूलाई विभाजन गर्नतिर रहेको छ । सरकारको यी गतिविधिले लोकतन्त्रमाथि गम्भीर समस्या हुँदैछ ।’