दिक्पाल केसीको ‘थोत्रो चोली’ बजारमा

स्यानफ्रयान्सिस्को, क्यालिफोर्निया
बे एरियाका युवा ब्यावसायी एवं समाजसेवी दिक्पाल केसीले निमार्ण गरेको सांगेतिक कोशेली ‘थोत्रो चोली’ बजारमा आएको छ । आमाको मर्मस्पर्शी कथा बोकेको यस गीत सार्वजनिक गरिएको केही दिनमा नै लोकप्रिय बनेको छ ।
दिक्पाल केसीको मूख्य अभिनय रहेको यस गीतका रचनाकार हरि बस्ताकोटी हुन् भने राज सिग्देल  गायक एवं संगीतकार हुन् । दिक्पाल केसी र बेनिशा हमालको अभिनय रहेको यस गीतको भिडियो निर्देशन युवराज वाइबाले गरेका हुन् ।
निर्माता एवं कलाकार दिक्पाल केसी आफ्नै गाउंको आमाहरुको कथा, दुख पीडालाई सजीव रुपले प्रस्तुत गरिएको गीतको निमार्ण र अभिनय गर्न पाउनु आफ्नो लागि खुशीको कुरा भएको बताउछन् । उनी भन्छन्- ‘मेरो जस्तै  सबै आमाहरुको कथा हो, खासगरि गाउले परिवेशका  आमाहरुको, यसकारण पनि मैले यसको निमार्ण गरेको हु’ । उनी गीतमा ब्यक्त भएको शब्द र भावनामा हरेक आमाहरुको कथा र संघर्ष भएको बताउदै भन्छन्-‘ यसले हरेक छोराछोरीले आफ्ना आमाप्रति गर्नुपर्ने कर्तब्यको बोध पनि गराउछ’ ।

यो आफ्नो पहिलो प्रयास भएको र आगामी दिनहरुमा सन्देशमुलक प्रस्तुतीहरु लिएर आउने केसी बताउछन् ।