दूरबिन संवाददाता ।
अमेरिका
कार्यसमिति भित्र चर्को मतमतान्तरका बीच गैर आवासीय नेपाली संघ राष्ट्रिय समन्वय परिषद् अमेरिकाले संरक्षक समिति र सल्लाहकार समितिलाई पूर्णता दिएको छ । बैठक समापनको क्षणमा कार्यसमितिमा नाटकीय ढङ्गले प्रवेश गराइदै आएका प्रस्तावमा असहमति राख्ने कतिपय सदस्यहरूको कन्फरेन्स कल बैठकबाट सम्पर्क नै काटिदिएर एकतर्फी रुपमा महासचिवले पशुपति पाण्डेले बैठक चलाएको आरोप समेत कतिपय सदस्यले लगाएका छन् । कार्यसमितिका अधिकांश बैठकहरूमा विधि र पद्धतिबाट संस्थागत हितमा अगाडि बढ्ने भन्दा पनि स्वार्थ र दाउपेचमा केन्द्रित भएर प्रस्तावहरू ल्याइने गरेको कतिपय सदस्यहरूको गुनासो छ ।
यस्तै आरोप र प्रत्यारोपका बीच आइतबार समापन भएको बैठकले गरेका निर्णयहरू विज्ञप्ति मार्फत सार्वजनिक गरेको छ । कार्यसमिति बैठकले सल्लाहकार समितिलाई पूर्णता दिएको एआरएनए अमेरिकाद्वारा जारी विज्ञप्तिमा उल्लेख छ । संस्थाको विधानमा निवर्तमान सभापति प्रमुख संरक्षक रहने ब्यवस्था अनुसार नै डाक्टर केशव पौडेललाई प्रमुख संरक्षक र पूर्व अध्यक्ष खगेन्द्र जी सी, श्री पराजुली, बर्तनमा क्षेत्रीय उपसंयोजक नवीन शेरचन र डाक्टर रुद्र अर्याललाई संरक्षक समिति सदस्यमा मनोनयन गरिएको छ ।
त्यस्तै रिक्त रहेको सल्लाहकार समिति ७ सदस्यमा सञ्जय थापा, राधा पौडेल, विद्यासागर योञ्जन, शिव मल्ल, डाक्टर चिरन्जिबि भट्टराई, बादल भुजेल र मनोज घिमिरेलाई मनोनित गरिएको छ ।
प्रतिक्रिया लेख्नुहोस्:-