न्युयोर्क १२ जनवरी । आगामी निर्वाचनलाई स्वच्छ, निष्पक्ष र विवाद रहित बनाउन विभिन्न समिति गठन गर्दै गैर आवासीय नेपाली संघ एनआरएन अमेरिकाको कार्यसमितिको पूर्ण बैठक शनिवार न्युयोर्कको ज्याक्सन हाईटमा सम्पन्न भएको छ।
एनआरएन अमेरिकाका अध्यक्ष डाक्टर केशव पौडेलको अध्यक्षतामा बसेको बैठकले हाल सम्मको आर्थिक प्रतिवेदन पनि पारित गरेको छ । प्रतिवेदन अनुसार एनआरएन अमेरिकाको अहिले सम्म ४५ हजार ३ सय १५ अमेरिका डलर बचत रहेको छ ।
बैठकमा कार्यसमितिका ३३ मध्ये २९ जना सदस्य सहभागि थिए । यस्तै बैठकमा एनआरएन उत्तर अमेरिकाका क्षेत्रीय उप सम्योजक नविन शेरचन, एनआरएनए सल्लाहकार, आईसीसी सदस्य, विभिन्न विभागका प्रमुखहरू पनि सहभागि थिए ।
कार्यसमिति बैठकले एनआरएनको आसन्न निर्वाचनलाई लक्षित गर्दै तीन वटा समिति गठन गरेको छ । मुख्यतय सदस्यतालाई लिएर एनआरएन अमेरिकाका प्रयास विवादमा पर्दै आएको छ । सदस्यता वितरण तथा नविकरणलाई विवाद रहित बनाउनका लागि बैठकले विभिन्न समिति पनि गठन गरेको छ ।
एनआरएन अमेरिकाका प्रवक्ता विनोद कुमार तिवारीका अनुसार प्राविधिक पक्ष हेर्न स्वाराज खातीको संयोजकत्वमा तीन समिति गठन गरेको छ । यस्तै एनआरएन सदस्यता छानविनका लागि गठन गरिने थर्डपार्टी भेरिफिकेशन कमिटीलाई सहयोग गर्न उपाध्यक्ष रामकुमार सुवेदीको संयोजकत्वमा समिति गठन गरेको छ ।
थर्ड पार्टी खोज्ने जिम्मा खाति र योन्जनलाई दिइएको छ । उनीहरूको सिफारिसलाई कार्यसमितिमा प्रस्तुत गरिने छ ।
यस्तै सुवेदीको समितिलाई परामर्श दिन तारा निरौला र शैलेस श्रेष्ठ रहने सुपरिवेक्षण कमिटी गठन गरेको छ ।
बैठकले गठन गरेका समितिहरू
सुचना तथा प्रविधि समिति
संयोजक : स्वाराज खाती
सदस्य : पवन योन्जन
सदस्य : सत्य चौधरी
आईटी विज्ञ चयनका लागि
सुपरिवेक्षण कमिटी
संयोजक : तारा निरौला
सदस्य : शैलेस शेष्ठ
थर्डपार्टी भेरिफिकेशनलाई समन्वय गर्न
आन्तरिक कमिटी
संयोजक : रामकुमार सुवेदी
सदस्य : बाल जोशी
सदस्य : पवन योन्जन
कार्य समिति बैठक अगाडि च्याप्टर अध्यक्षहरूसँग बैठक भएको थियो । सो बैठकमा च्याप्टर अध्यक्षहरूले आ-आफ्नो क्षेत्रको कार्य प्रगति प्रस्तुत गरेका थिए ।
कार्यसमितिको बैठक पछि साँझ नै एनआरएन अमेरिकाले गाला डिनरको आयोजना थियो । बैठकसँगै एनआरएन अमेरिकाको आगामी निर्वाचनमा नेतृत्वका आकांछीहरूले आफ्ना गतिविधिलाई पनि तिव्रता दिएका छन ।
प्रतिक्रिया लेख्नुहोस्:-