जनवरी २२
स्यानफ्र्यान्सिस्को ।
स्यानफ्रान्सििस्को । अमेरिकाको क्यालिफोर्नियास्थित मोन्टेरी पार्कमा हिजो शनिवार राती अन्धाधुन्ध गोली प्रहारबाट १० जनाको मृत्यु भएको छ । कयौ जना घाइते भएको र त्यसको विवरणहरु आउन बाँकी रहेको यहाँका समाचार माध्यमहरुले जनाएका छन् ।
सिएनएनका अनुसार लुनार नयाँ वर्षको उल्लासका लागि मोन्टेरीमा हजारौं मानिसहरू भेला भइरहँदा गोली प्रहार भएको थियो । गोली प्रहारबाट थुप्रै मानिस घाइते भएको पनि बताइएको छ । यद्यपि कति जना घाइते भए भन्नेबारे यकिन नभएको प्रहरीलाई उधृत गर्दै सिएननले जनाएको छ ।
मृतकको पहिचान पनि भइसकेको छैन । साथै मृतकको स्ख्याबारे विभिन्न मिडियाले फरक फरक सूचना दिएका छन् । बीबीसीले ९ जना मारिएको उल्लेख गरेको छ ।
गोली प्रहार गर्ने व्यक्ति पुरुष भएको हुनसक्ने स्थानीय अधिकारिहरूको आशंका छ । गोली किन प्रहार गरिएको भन्ने विषयमा एफबिआइले अनुसन्भान शुरु गरेको छ । घटना भएको उक्त सहर लस एन्जलसबाट १३ किलोमिटर पूर्वतर्फ पर्छ ।
समाचार अनुसार एक प्रत्यक्षदर्शीले तीन जना मानिसहरू आफ्नो रेस्टुरेन्टमा आएर मेसिन गन बोकेको मानिस त्यहाँ रहेकाले ढोका बन्द गर्न आग्रह गरेका थिए । एक साता लामो लुनार नयाँ वर्ष मनाउन यसअघि त्यहाँ एक लाखभन्दा धेरै मानिसको भीड हुने गरेको थियो। शनिबार रातिको फेस्टिभल राति ९ बजे सकिने पूर्वतयारी थियो । तर फेस्टिभल सकिनुभन्दा केही मिनेट मात्रै अघि गोलीकाण्ड भएको बताइएको छ ।
लस एन्जल स काउन्टीमा रहेको मोन्टेरी पार्क करिब ६० हजार मानिसको बसोबास रहेको क्षेत्र हो । जहाँ ठूलो संख्यामा एसियाली देशका मानिसहरुको बसोवास रहेको समाचारमा जनाइएको छ ।
प्रतिक्रिया लेख्नुहोस्:-