दुरवीन समाचारदाता
स्यानफ्रान्सिस्को ।
जनवरी २२
बोधिसत्व इन एक्सन नामक च्यारिटी संस्थाको सहयोगार्थ अमेरिकामा रहेका महानायक राजेश हमाल र हास्य कलाकार जीतु नेपालको सम्मानमा स्यानहोजे र स्यान्तारोजामा ‘मिट एण्ड ग्रिट वीथ राजेश हमाल एण्ड जीतु नेपाल’ कार्यक्रम गरिने भएको छ ।
कार्यक्रम तालिका अनुसार जनवरी २५ मा स्यान्तारोजास्थित यति रेष्टुरेण्टमा मिट एण्ड ग्रिट वीथ राजेश हमाल एण्ड जीतु नेपाल कार्यक्रम राखिएको छ ।
कार्यक्रमका आयोजक रविसिंह बस्नेतका अनुसार मिट एण्ड ग्रिट कार्यक्रममा महानायक हमाल र हास्य कलाकार नेपालको सम्मानको साथै आवाज बेण्डले लाइभ सांगीतिक प्रस्तुती हुनेछ भने कलाकारसंग नाचगानको कार्यक्रम पनि राखिएको छ ।
यो उहाँहरुसंगै यहाँका कलाकार र दर्शकहरु संगै रम्ने र रमाउने कार्यक्रम हो, बस्नेतले भने । स्यान्तारोजामा हुने ‘मिट एण्ड ग्रीट’ कार्यक्रमको लागि बस्नेतको अलावा प्रमोद कार्की र छिरिंग शेर्पालाई सम्पर्क गर्न सकिने छ । कार्यक्रम बेलुकी ६ बजेवाट ९ बजेसम्म हुनेछ ।
त्यसैगरि जनवरी २६ मा एनआरएनए क्यालिफोर्नियाका अध्यक्ष हरि ओझा र बे एरियाका चर्चित फोटोग्राफर अर्जुन केसीको संयोजनमा महानायक हमाल र हाँस्य कलाकार जीतु नेपालसंग स्यान्ताक्लारास्थित मो:मो:हवमा ‘मिट एण्ड ग्रिट’ कार्यक्रम राखिएको छ ।
फोटोग्राफर केसीका अनुसार महानायक र हास्य कलाकारसंग प्रत्यक्ष भेटघाट र रमाइलो गर्ने उदेश्यका साथ सो कार्यक्रमको गर्न लागिएको हो ।
‘वास्तवमा यो औपचारिक भन्दापनि अनौपचारिक कार्यक्रम हो, महानायकसंग प्रत्यक्ष भेटघाट गर्ने र हास्य कलाकारसंग रमाइलो गरौ भनेर हामीले यो कार्यक्रम राखेका हौ, बे एरियाका सबैलाई निमन्त्रणा छ’, केसीले भने । कार्यक्रममा सहभागी हुन मा गएर टिकट किन्न सकिनेछ ।
कार्यक्रम बेलुकी ६ बजेवाट ९ बजेसम्म हुनेछ । दुबै कार्यक्रमको अफिसियल फोटोग्राफी अर्जुन केसीले गर्नेछन् ।
प्रतिक्रिया लेख्नुहोस्:-