काठमाडौं । सत्तारुढ पाँच दलीय गठबन्धनका शीर्ष नेताहरुले स्थानीय तहको अन्तिम कार्यकालका विषयमा देखिएको मतभिन्नताबारे बालुवाटारमा कानुनविदहरुसँगको छलफल सुरु गरेका छन्।
सरकारमा सहभागी दलबीच नै यसबारेमा एकै बुझाइ छैन । स्थानीय तहको निर्वाचनको अन्तिम समय कुन भन्ने विषयमा विवाद भइरहेका बेला कांग्रेस नेतृत्वको गठबन्धनले बालुवाटारमा कानुनविद्हरुसँग छलफल गरिरहेको हो।
प्रधानमन्त्रीको सरकारी निवास बालुवाटारमा केही बेरअघिबाट सुरु भएको छलफलमा प्रधानमन्त्री एवम् नेपाली कांग्रेसका सभापति शेरबहादुर देउवा, माओवादी केन्द्रका अध्यक्ष प्रचण्ड, नेकपा एकीकृत समाजवादीका अध्यक्ष माधवकुमार नेपाल, जनता समाजवादी पार्टी (जसपा)का अध्यक्ष उपेन्द्र यादवलगायत सत्ता गठबन्धनका शीर्ष नेताहरु सहभागी छन्।
मंगलबार माओवादी केन्द्रका अध्यक्ष प्रचण्डले स्थानीय तह निर्वाचन ६ महिना सारेर वैशाख–जेठमा संघीय संसदको निर्वाचन गर्नुपर्ने प्रस्ताव गरेका थिए ।
प्रतिक्रिया लेख्नुहोस्:-