सान्फ्रान्सिस्को/क्यालिफोर्निया
जनवरी २३
नेपालमा सफलतापूर्वक ५१ औ दिनमा सफलतासाथ प्रदर्शन भइ रहेको नेपाली चलचित्र अमेरिकाको ३० वटा स्थानमा जनवरी २४ देखि प्रदर्शन हुने भएको छ । तेलभिसा चलचित्रका कार्यकारी निर्माता प्रिन्स युवराज कार्कीका अनुसार अमेरिकाको टेक्सस राज्यको ७ स्थान, क्यालिफोर्नियामा ३ स्थानमा, ओहायोको ३ स्थानमा, पेन्सेल्भेनियामा २ स्थान र नर्थ क्यारोइनामा २ स्थानका हलहरुमा सो चलचित्र प्रदर्शन हुने भएको छ ।
त्यस्तैगरि अमेरिकाको अन्य राज्यहरुमा बाल्टिमोर,आएओवा, न्यूयोर्क, य़ूटाः नेभादा,केन्टकी,कोलोराडो लगायत राज्यहरुमा पनि जनवरी २४ देखि प्रदर्शनी हुने भएको निर्माता एवं कलाकार अनिल पाण्डेले जानकारी दिएका छन् ।
चलचित्रमा अभिनेता विपिन कार्की बाबु र छोराको गरी दोहोरो भूमिकामा छन् । विपिनसँगै चलचित्रमा वर्षा राउत, बाल्टिमोरमै बस्दै आएकी पूजा चन्द, ऋचा घिमिरे, बुद्धि तामाङ, सुचित्रा उप्रेती र अनिल पाण्डे,प्रिन्स कार्की लगायत कलाकारहरूको समेत अभिनय छ । शंकर घिमिरेद्वारा निर्देशित यस चलचित्रको कथा वस्तु र सबै कुरालाई राम्रोसँग प्रस्तुती गरिएकोले चलचित्रले नेपालमा ५१औं दिन सफलतापुर्वक रेकर्ड कायम गरेको छ
वेलडन क्रियसनको ब्यानरमा अनिल पाण्डे र शिवराज कार्की निर्माता रहेको चलचित्रका प्रिन्स युवराज कार्की र श्रुति दाहाल कार्यकारी निर्माता हुन् । चलचित्र ‘तेल भिसा’को छायांकन अमेरिका र नेपालमा गरिएको छ । सुन्दर सपनाको पहाड बोकेर विदेश आएकाहरुले भोजनुपरेको आर्थिक, सामाजिक र पारिवारिक यथार्थतालाई तेल भिसाले चित्रण गरेको छ ।
प्रतिक्रिया लेख्नुहोस्:-