डिसीको जहाज दुर्घटनामा सबै मारिएको आशंका !

जनवरी ३०
गएराती अमेरिकाको डिसी क्षेत्रमा एक यात्रुवाहक बिमान र सैन्य हेलिकोप्टर ठोक्किदा विमानमा रहेका सबैं यात्रुहरु मारिएको हुनसक्ने आशंका गरिएको समाचार एशोसिएट प्रेसले प्रकाशित गरेको छ ।
एपीका अनुसार क्यान्ससको विन्चिटावाट उडेको यात्रुवाहक अमेरिकी एयरलाइन्सको जहाज डिसी क्षेत्रको रेगन राष्ट्रिय विमानस्थल नजिकै एउटा सैन्य विमानसँग ठोक्किएको थियो ।
अमेरिकी एयरलाइन्सको विमानमा सैन्य हेलिकोप्टरसँग ठोक्किँदा विमानमा ६० यात्रु र चार चालक दलका सदस्य गरि ६४ जना सवार रहेका थिए भने सैन्य हेलिकोप्टरमा ३जना रहेका थिए । सिएनएनले प्रकाशित गरेको भिडियो फुटेजमा एयरकन्ट्रोलवाट यात्रुवाहक विमानलाई निर्देशन दिएको सुनिन्छ भने सोही समयमा हेलिकोप्टर एक्कासी ठोक्किन पुगेको देखिन्छ ।
विमान पोटोम्याक नदीमा खसेको र व्यापक खोजी र उद्धार प्रयास भइरहेको एपीले आफ्नो अनलाइन समाचारमा उल्लेख गरेको छ । हालसम्म २८ जनाको शव फेला परेको र थप खोजी कार्य जारी रहेको समाचारमा जनाइएको छ । अमेरिकी उडान इतिहासमा यो २४ वर्ष पछिको ठूलो हवाई दुर्घटना हो । उडानमा केही विश्व प्रसिद्ध खेलाडीहरु रहेका समाचार आइरहेका छन ।