अमेरिका । जय नेपाल अन्तर्राष्ट्रिय फाउन्डेसन न्युह्याम्प्शायर च्याप्टरले गत शनिवार वरिष्ठ कानुनविद् खगेन्द्र जी सी सँग कानुनी परामर्श सम्बन्धी वेबिनारको आयोजना गरेको छ। अमेरिकामा रहेका नेपालीहरूलाई परेका कानुनी समस्याहरूको बारेमा सिधा वरिष्ठ कानुनविद् खगेन्द्र जीसी सँग प्रश्न सोध्न सक्ने व्यवस्था कार्यक्रममा गरिएको थियो।
उक्त कार्यक्रममा अमेरिकाको नागरिक भैसकेका तथा ग्रिन कार्डमा रहेकाहरूले नेपालमा रहेका नातेदारहरूलाई फेमिली पेटिशन फाइल गर्दा के हुन्छ भन्ने बारेमा धेरै जिज्ञासा हरू आएका थिए। यसका अलावा अमेरिकामा विद्यार्थी भिसामा रहेका हरुले आफ्नो स्ट्याटस कसरी परिवर्तन गर्न सक्छन् तथा वर्तमान अवस्थामा बिध्यार्थीहरुले के गर्नु पर्दछ भन्ने बारेमा वरिष्ठ कानुनविद् खगेन्द्र जीसीले बताउनु भएको थियो।
जय नेपाल इन्टरनेशनल फाउन्डेसन न्युह्याम्प्शायर च्याप्टरका अध्यक्ष पवन पौडेलले संचालन गरेको कार्यक्रममा जय नेपाल इन्टरनेशल फाउन्डेसनका अध्यक्ष डा. यादव पण्डितले संस्थाको स्थापना तथा यसको उद्देश्य बारेमा प्रकाश पार्नु भएको थियो।
प्रतिक्रिया लेख्नुहोस्:-