काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछानेले आफ्नो पार्टीले सदनमा कडा खबरदारी गर्ने उद्घोष गरेका छन् ।
सभापति लामिछानेले आज संसद् भवन नयाँ बानेश्वरमा सञ्चारकर्मीसँग कुरा गर्दै यस्तो बताएका हुन् । उनले सरकारले जनतासँग प्रत्यक्ष रुपमा गाँसिएका विधेयकलाई विशेष महत्व दिनुपर्ने र त्यसो नगरे आफूहरुले विरोध गर्ने बताए ।
त्यस्तै उनले संविधान कार्यान्वयनका लागि बनाउनुपर्ने कानूनहरूलाई प्राथमिकताका साथ अघि बढाउनुपर्ने धारणा राखे । सरकारले जनचासोका विधेयकहरू सदनमा ल्याउन नसके रास्वापाका सांसदहरुले निजी विधेयकहरू सदनमा लैजाने उनले बताए ।
प्रतिक्रिया लेख्नुहोस्:-