अमेरिका, ४ फेब्रुअरी। रमेश अधिकारीको अध्यक्षतामा गठन भएको जय नेपाल इन्टरनेशनल फाउन्डेसन टेक्सास च्याप्टर बिस्तार गरिएको छ। बिस्तारित कमिटिको सचिवमा टंक अधिकारी तथा कोषाध्यक्षमा अनिल पौडेल रहेका छन्। यस्तै कमिटिको सदस्यहरुमा बिनय खतिवडा, जीवन डाँगी, प्रताप चापागाईं, प्रेम पाठक, पुस्पलता भण्डारी, सुबास अधिकारी, नारायण पौडेल, प्रविन बस्नेत, र हिमाल तुम्हाहांगे रहेका छन्।
कमिटीले पांच जना रहेको सल्लाहाकार समिति समेत चयन गरेको छ। सल्लाहाकारहरुमा अमृत सापकोटा, बादल भुजेल, भगवान मैनाली, हेम मोहन भट्टराई, र कुल बहादुर डीसी रहेका छन्।
यस अगाडि अमेरिका र अन्य देशमा गरेर फाउन्डेसनका ३८ च्याप्टर घोषणा भैसकेका छन । मानवअधिकार, वाक स्वतन्त्रता तथा प्रजातान्त्रिक मूल्य मान्यतामा विश्वास राख्नेहरूको नेटवर्कमार्फत आफू रहेको समुदाय र नेपालको विकासमा समेत सहभागिता बढाउने उद्देश्यले यस संस्थाको स्थापना भएको छ। संस्थाको अन्तर्राष्ट्रिय अध्यक्षमा डा. यादव पण्डित रहेका छन् भने नेपालको अध्यक्षमा बद्री अर्याल रहेका छन्। नेपालमा सिंहदरबारको पूर्वी गेट छेउमा संस्थाको सम्पर्क कार्यालय रहेको छ।
प्रतिक्रिया लेख्नुहोस्:-