स्यानफ्रान्सिस्को । युवा व्यावसायी एवं एस.एस स्क्वायर ईंकका प्रमुख कार्यकारी अधिकृत सन्तोष साहले अमेरिकामा रहेका नेपाली विद्यार्थी र सिनियर सिटिजनको लागि नि:शुल्क ट्याक्स विवरण भरिदिने घोषणा गरेका छन् । क्यालिफोर्नियाको डेविसमा रहेको साहको कार्यालयले केही समय अघि अमेरिकामा रहेका पूर्णकालीन विद्यार्थी र सिनियर नेपाली नागरिकको लागि निशुल्क रुपमा सन् २०२२ को कर विवरण भरिदिने घोषणा गरेको थियो ।
साहको स्वामित्वमा रहेको एस.एस स्क्वायर ईंकले २०२१ मा २०० विद्यार्थीहरुको निशुल्क ट्याक्स विवरण भरेको थियो । “यस वर्ष पनि विद्यार्थीहरुको अलावा सिनियर सिटिजनको लागि पनि नि:शुल्क ट्याक्स विवरण भरिरहेका छौ,”- दूरवीन नेपालसंगको कुराकानीमा साहले बताए ।
सन् २०२२ मा हाल सम्म २०० जना विद्यार्थी र ३५ जना सिनियर सिटिजनको निशुल्क विवरण आफ्नो कम्पनीले भरिसकेको र विद्यार्थी र सिनियर सिटिजन्सको संख्या दिनहुं बढिरहेको साहले बताए ।
विगत ७ वर्षदेखि ट्याक्स फाइलिंग, ट्याक्स प्लानिंग र काउन्सिलिंग गर्दै आएका सन्तोष आफ्नो समाजप्रतिको दायित्व र कर्तब्यको कारण
व्यावसायको अलावा सामाजिक कार्यमा सरिक भएको बताउंछन् । “विद्यार्थी जिवन कस्तो हुन्छ, मलाई थाह छ यसकारण उनीहरुको लागि नि:शुल्क रुपमा विवरण भरिदिएका हौं,” साह भन्छन् -“६५ वर्ष काटेका, रिटायर्ड भएका वा काम नै नगरेका सिनियरहरुको लागि आफ्नै आमाबुवा सम्झेर यो घोषणा गरेको हुं” । साहले आफ्नो आमाबुबाको नाममा “चन्द्रसूर्य फाउण्डेशन”को स्थापना गरेका छन् । भन्छन् -“आफ्नो कमाईको केही प्रतिशत यसमा लगाउने र सामाजिक कार्य गर्ने योजना बनाएको छु “।
अमेरिकामा आफू पूर्णकालीन रुपमा ट्याक्स प्लानरको रुपमा कार्यरत रहेका बताउदै साह हरेक समयमा ट्याक्समा हुने अपडेट सम्वन्धि कार्यक्रम, सेमिनारमा आफू सहभागी हुने गरेको र त्यसवाट आफूमा अनुभव र क्षमता बढेको बताउछन् ।
अमेरिकामा विभिन्न राज्यहरुमा आफ्नो कार्य क्षेत्र विस्तार गरेका साह आगामी बर्षहरुमा अमेरिकामा धेरै राज्यहरुवाट ट्याक्स सम्वन्धि काम गर्ने बताउछन् । नेपाल र भारतमा पनि त्यहाँका कम्पनीहरुसंग सहकार्य गरि ट्याक्स प्लानिंग र काउन्सिलिंग शुरु गर्ने आफ्नो योजना रहेको उल्लेख गर्दै उनी भन्छन्- “हेरौ कति सफलता मिल्ने हो “!
प्रतिक्रिया लेख्नुहोस्:-