नेपालका अनररी काउन्सिलर रिचर्ड ब्लुमको निधन

स्यानफ्रान्सिस्को ।
नेपाल र नेपालीका लागि कृयाशील अमेरिकन हिमालय फाउण्डेशनका अध्यक्ष एवं अमेरिकामा लागि नेपालका अनररी काउन्सिलर रिचर्ड ब्लुमको ८६ वर्षको उमेरमा आइतवार निधन भएको छ । उनी लामो समयदेखि क्यान्सरका विरामी थिए । क्यालिफोर्नियावाट लामो समयदेखि सिनेटमा प्रतिनिधित्व गर्दै आएकी सेनेटर डाइन फाइन्सटाईनले आफ्नो पतिको आइतवार निधन भएको पुष्टी गर्दै शोक बक्तब्य जारी गरेकी छन ।
विगत चालीस वर्षदेखि उनी मेरा हरपलका साथी थिए, उनीविना मैले आफूलाई एक्लो महसुुस गरेको छु सेनेटर फाइन्स्टाइनले सोमवार जारी गरेको शोक बक्तब्यमा भनेकी छिन मेरा सुख र कठीन दिनहरुमा उनी सधै मेरो पक्षमा उभिएका थिए । नेपालका धेरै पटक भ्रमण गरेका रिचर्डले धेरै हिमाली क्षेत्रको विकास र खासगरि नेपालमा बसोवास गर्ने तिब्बतीहरुको लागि काम गर्दै आएका थिए । उनको निधनमा अमेरिकी संसदका सभामुख न्यान्सी पलोसी, क्यालीफोर्नियनका गभर्नर ग्याभिन न्यूसमले शोक ब्यक्त गर्दै उनको निधनले सच्चा समाजसेवी गुमाउनु परेको बताएका छन् ।
रिचर्डको निधनले नेपाल र नेपालीलाई माया गर्ने एक असल ब्यक्ति गुमाउनु गरेको भन्दै बे एरिमा कृयाशील नेपालीहरुले दुःख ब्यक्त गरेका छन् । मदरल्याण्ड नेपालका अध्यक्ष अनिल पाण्डेले रिचर्डले नेपालीलाई माया गरेको र हिमालय फाउण्डेशन मार्फत नेपालको लागि सहयोग गरेको बताए । उनी नेपाल र नेपालीका मित्र थिए, पाण्डेले भने । युसी बर्कलीका प्राध्यापक डा आमोद पोखरेलले रिचर्डको निधन नेपाल र नेपालीका लागि क्षति भएको उल्लेख गरे । रिचर्ड भारतमा निर्वासित दलाई लामाका अभिन्न मित्र थिए । उनको नेपालको राजपरिवारसंग रिचर्डको निकट सम्वन्ध थियो । पूर्व राजा ज्ञानेन्द्र शाह उनका निकटका मित्र थिए । शाह महेन्द्र प्रकृति कोषमा अध्यक्ष भएको बेला नेपालले स्यानफ्रान्सिस्को चिडियाखानालाई एक सिंघे गैडाको भालेपोथी उपहार दिएको थियो । स्यानफ्रान्सिस्कोको धनी ब्यक्तिको रुपमा ख्यातीप्राप्त रिचर्डले नेपालका शेर्पाहरुलाई आफ्नो सहयोगी नियुक्त गरेका थिए ।