काठमाडौं । आज (बिहीबार) बाट होली पर्वको विधिवत सुरुआत भएको छ।
वसन्तपुर दरबार स्क्वायरमा ध्वजासहितको रंगीविरंगी चीर उठाइएपछि विधिवत् रुपमा फागु सुरु भएको हो।
नेपाल पञ्चाङ्ग निर्णायक समितिले दिएको साइतमा नै चीर उठाइएको धाला सि क्व मानन्धरका सहसचिव गजेन्द्रप्रसाद मान्धरले जानकारी दिए । भगवान् विष्णुका भक्त प्रल्हादका बुबा हिरण्यकशिपुले आफ्नै छोरालाई मार्न आफ्नी बहिनी होलिकालाई निर्देशन दिन्छन्।
होलिकाले प्रल्हादलाई काखमा बसाली आगो लगाउँछिन्। आगोले नमर्ने बरदान पाएका प्रल्हाद जल्ने कुरै भएन होलीका आफैं जल्छिन्। यसरी होलिकाको मृत्यु भएको खुशीयालीमा होली मनाउन सुरु गरिएको कथन रहेको छ ।
प्रतिक्रिया लेख्नुहोस्:-