काठमाडौं । सभामुख देवराज घिमिरे अन्तरव्यवस्थापिका संघको १४६औँ महासभामा सहभागी हुन नौ सदस्यीय प्रतिनिधिमण्डलको नेतृत्व गर्दै बहराइन प्रस्थान गरेका छन् ।
उनी शुक्रबार मार्च ११ देखि १५ सम्म मानामामा हुने महासभामा सहभागी हुन त्यसतर्फ गएका हुन् । प्रतिनिधिमण्डलमा रमेश लेखक, हितराज पाण्डे र सन्तोष परियार पनि सहभागी छन् ।
यसैगरी, राष्ट्रिय सभामा सदस्य ईन्दु कडरिया, संघीय संसद्का महासचिव डा. भरतराज गौतम, प्रतिनिधिसभाका सचिव गोपालनाथ योगी, सभामुखका प्रमुख स्वकीयसचिव तेजप्रकाश भट्टराई र संघीय संसद् सचिवालयका शाखा अधिकृत राजन घिमिरे पनि बहराइन प्रस्थान गरेका छन् ।
प्रतिक्रिया लेख्नुहोस्:-