लोकतन्त्रमा कसैको हारजित हुँदैन : सांसद शर्मा

काठमाडौँ । प्रमुख प्रतिपक्षी दल नेपाली कांग्रेसका तर्फबाट राष्ट्रिय सभा अध्यक्षका उम्मेदवार युवराज शर्माले आफू निर्वाचित भएमा राष्ट्रिय सभाको गरिमा बढाउने दाबी गरेका छन् ।

उनले आज उम्मेदवारी दर्तापछि नयाँ बानेश्वरस्थित संसद् भवन परिसमा सञ्चारकर्मीसँग कुरा गर्ने क्रममा यस्तो बताएका हुन् ।

उनले लोकतन्त्रमा जित हार कसैको नहुने भन्दै सबै हार्ने र सबै जित्ने भएकाले नै लोकतन्त्रको सुन्दर पक्ष भएको बताए ।

‘मेरो राजनीतिक यात्रा धेरै लामो छ । यदि म राष्ट्रिय सभा अध्यक्षमा निर्वाचित भए यो सभाको गरिमा बढाउने गरी नै काम गर्छु’, शर्माको भनाइ छ ।