काठमाडौं । राष्ट्रिय प्रजातन्त्र पार्टी नेपालका अध्यक्ष कमल थापाले आगामी बैशाख ३० गते हुने स्थानीय तहको निर्वाचनमा आफ्नो दलले नेकपा एमालेसँग चुनावी तालमेल गर्ने घोषणा गरेका छन् ।
राप्रपामा अध्यक्षमा पराजित भएपछि नयाँ पार्टी गठन गरेका थापाले जिल्लास्तरीय अगुवा कार्यकर्ता भेटघाट कार्यक्रममा सम्बोधन गर्न शनिबार पोखरामा सम्बोधन गर्दै यस्तो खुलासा गरेका हुन् उनले भने, ‘आवश्यकता अनुसार अन्य दलसँग पनि सहकार्य हुन्छ ।’ यतिबेला सबै दल आफ्ना कार्यकर्ता आकलन गर्न व्यस्त रहेको भन्दै उनले आफूहरु पनि संगठन विस्तारमै व्यस्त रहेको बताए ।
उनले शक्तिशाली ठूलो पार्टी निर्माणको लागि चुनावी एकता गर्नुपर्ने उनले बताउँदै गत फागुन ७ मा प्रजातन्त्र दिवसको अवसरमा राप्रपा नेपाल पुनर्जागृत गर्न सफल भएको भन्दै उनले तुलनात्मक रुपमा अहिले पार्टी कमजोर देखिए पनि आगामी दिनमा देशको विकास गर्ने र राजनीतिको मूलधारमा स्थापित हुने दाबी गरे ।
प्रतिक्रिया लेख्नुहोस्:-